Jurt ádette jeńildikterdiń tek Jańa jyl qarsańynda ǵana jasalatynyna úırenip qalǵan sekildi. Alaıda sońǵy kezderi kásipkerlerdiń Naýryz, Táýelsizdik kúni sekildi jalpyhalyqtyq merekelerge de bet bura bastaǵany qýantady.
О́skemen men Semeı qalalarynyń jas kásipkerleriniń elimizdiń eń basty merekesi qurmetine oraı «Bizdiń jetistikter – bizdiń elge» atty aksııa bastaǵany sózimizge dálel. 10-20 jeltoqsan kúnderi aralyǵynda ótetin aksııa aıasynda birqatar taýarly belginiń ónimderi arzandatylǵan baǵamen saýdalanbaq. Bastamaǵa qatysatyn fırmalardy «Qazaqstan Respýblıkasynyń Táýelsizdik kúnine arnalǵan jeńildikter» degen jazýy bar taqtaıshalarynan tanýǵa bolady. Atalǵan taqtaıshalarda taýarlarǵa qatysty qarastyrylǵan jeńildikter jazylyp turýy tıis.
«Býtıgimdi osydan eki jyl buryn ashqanmyn. Búgin Táýelsizdik kúnine oraı merekelik jeńildikter aksııasyn ótkizýdemiz. Aksııa aıasynda jeltoqsannyń 10-y men 20-sy kúnderi aralyǵynda bizdegi kostıýmder men kóılekterdi 30 paıyzdyq jeńildikpen satyp alýǵa bolady», deıdi aksııaǵa qatysýǵa nıet bildirgen jas kásipkerdiń biri Arman Tóleýhanov.
Jas kásipkerler oblysymyzdyń barlyq kásipkerlerin atalmysh bastamaǵa qoldaý bildirip, mereke kúnderi jurtshylyqqa jeńildikter jasaýǵa shaqyrýda.
Azamat QASYM, «Egemen Qazaqstan»
О́SKEMEN