Nursultan Nazarbaevtyń atyna Qazaqstan Respýblıkasynyń Táýelsizdigi kúnin merekeleýge oraı shet memleketter basshylary men halyqaralyq uıymdar jetekshilerinen quttyqtaý jedelhattary kelip tústi, dep habarlady Qazaqstan Prezıdentiniń baspasóz qyzmeti.
BUU Bas hatshysy Antonıý Gýterrısh Nursultan Nazarbaevtyń atyna joldaǵan jedelhatynda: «Siz úshin osy erekshe kúni men Sizdiń elińizdiń Birikken Ulttar Uıymyn nyǵaıtý jəne barsha úshin beıbitshilikti, damý men adam quqyn qamtamasyz etý boıynsha bizdiń ortaq kúsh-jigerimizdi ilgeriletý isine belsendi qatysatynyna jəne yqpal etetinine senimdimin», dep jazady.
Germanııa Federatıvtik Respýblıkasynyń Prezıdenti Frank-Valter Shtaınmaıer óziniń quttyqtaý jedelhatynda bylaı dep atap ótedi: «Dıplomatııalyq qatynastar qalyptasqan sətten bergi shırek ǵasyr bederinde bizdiń elderimizdiń arasyndaǵy saıası, ekonomıkalyq, qoǵamdyq jəne mədenı baılanystar kópqyrly jəne serpindi damýǵa ıe boldy. Germanııa aldaǵy kezeńderde de demokratııany nyǵaıtý men zań ústemdigi úderisterinde Qazaqstannyń senimdi seriktesi bolyp qala bermek».
Kanadanyń General-gýbernatory Jýlı Paıett óziniń quttyqtaý hatynda Qazaqstannyń ıadrolyq qarýdy taratpaý bastamasyna qoldaý kórsetetinin bildiredi jəne óńirdi əri qaraı damytý jónindegi bitimgershilik kúsh-jigeri men qolǵa alyp jatqan is-əreketterin atap ótedi.
О́ziniń jedelhatynda Qyrǵyz Respýblıkasynyń Prezıdenti Sooronbaı Jeenbekov Qazaqstan-Qyrǵyzstan qarym-qatynasy əri qaraı da odaqtastyq pen strategııalyq seriktestik rýhynda nyǵaıyp, damı beretinine senim bildiredi.
Sondaı-aq Memleket basshysy men Qazaqstan halqynyń atyna ıgilik pen ósip-órkendeý tilegen jedelhattardy Japonııa Imperatory Akıhıto, Sıngapýr Respýblıkasynyń Prezıdenti Halıma Iаkob, Aýstrııa Respýblıkasynyń Prezıdenti Aleksandr Van der Bellen, Meksıka Prezıdenti Enrıke Penıa Neto, Nıderland Koroli Vıllem-Aleksandr, Kýba Respýblıkasy Memlekettik keńesiniń jəne Mınıstrler keńesiniń Tóraǵasy Raýl Kastro Rýs joldaǵan.