Jaryqtandyrý memlekettik-jekemenshik áriptestik jobasy aıasynda júzege asýda.
Osy jyldyń 5 shildesinde Atyraý oblystyq Energetıka jáne turǵyn úı-kommýnaldyq sharýashylyǵy basqarmasy men «Batys tranzıt» aksıonerlik qoǵamy arasynda «Atyraý qalasynyń kóshelerin jaryqtandyrý jelisin salý jáne paıdalaný» jobasyn iske asyrý týraly alǵashqy memlekettik-jekemenshik áriptestik kelisim sharty jasalǵan bolatyn.
Joba sheńberinde 2017 jyldyń jeltoqsan aıynyń sońyna deıin jáne 2018 jyly Atyraý qalasynyń 39 kóshesine 2816 jaryq shamdaryn ornatý josparlanǵan. Jaryqtandyrý barysynda jańa tehnologııalar men zamanaýı LED- jaryq shamdaryn ornatý eskerilgen.
Qazaqstan Respýblıkasy təýelsizdigi merekesi qarsańynda qala jáne qala mańyndaǵy bes kóshege: oblys ortalyǵyndaǵy Berǵalıev kóshesinen Baımuhanov kóshesine deıin, Vodnıkov aýylyndaǵy Pervomaıskaıa kóshesine, Proezd-1, Qarabaý kóshelerine, Kókarna aýylyndaǵy 13 kósheden 7 kóshege deıin, 7 kósheden 12 kóshege deıin jaryq shamdary ornatylady.
Atalǵan memlekettik-jekemenshik áriptestik jobasy Atyraý qalasynda jańa tehnologııalaryn engizý, paıdalaný shyǵyndaryn azaıtý, qala turǵyndarynyń turmys sapasyn joǵarylatý men jaılylyq jasaýyna, qylmys sanyn azaıtý men jol qaýipsizdigin joǵarylatýǵa baǵyttalǵan.
Baqytgúl BABASh, «Egemen Qazaqstan»