О́skemende Táýelsizdik kúnine oraı 2006-2007, 2008-2009, 2010-2011 jyldary týǵan jáne odan kishi uldar men qyzdar arasynda «Sporttyń sý túrleri federasııasy» respýblıkalyq qoǵamdyq birlestiginiń Shyǵys Qazaqstan oblystyq fılıalynyń ashyq kýbogi ótýde.
Oblystyq Dene shynyqtyrý jáne sport basqarmasynyń baspasóz qyzmetiniń taratqan málimetterine sensek, atalmysh jarysqa О́skemendegi «Chaıka», «Delfın», «ShQO sý sporty túrleri boıynsha keshendi balalar-jasóspirimder sport mektebi» KMM tárbıelenýshilerinen bólek, Taldyqorǵan, Rıdder qalalarynan barlyǵy 150 sportshy qatysýda.
Saıys júzýdiń 4 túrli ádisi boıynsha ótedi. Olar: 50 m qashyqtyqtaǵy batterflıaı, 50 m arqamen júzý, 50 m brass jáne 50 m erkin stıl syndy júzý túrleri. Osy 4 júzý ádisi qorytyndysynda ár jas ereksheligi boıynsha úzdikter anyqtalady. Jaqsy nátıje kórsetken sýda júzýshiler keler jyly ótetin respýblıkalyq jarystarda óńir namysyn qorǵaıtyn bolady.
Azamat QASYM, «Egemen Qazaqstan»
О́SKEMEN