Qostanaıda iske qosylǵan qaraqumyq óńdeý zaýyty Táýelsizdik kúni merekesine tartý boldy.
Jobanyń quny 700 mıllıon teńgeni quraıdy. Onyń jartysyn «Sberbank» salsa, jartysyn osy zaýytty ashyp otyrǵan «Mıbeko» kásipornynyń ózi qosty. «Damý» kásipkerlikti damytý qory kásiporyn nesıesiniń jartysyn jabýǵa 180 mıllıon teńge bólip otyr. Oblys ákimi Arhımed Muhambetov zaýytty saltanatty túrde iske qosty.
«Zaýyttyń yrǵaqty jumys isteıtinine senim bildiremin. Eń bastysy zaýyt bilikti mamandarmen qamtamasyz etilgen. Qýaty da jaqsy. Endi kásiporynnyń eksporttyń áleýeti artatyn bolady» dedi Arhımed Begejanuly.
«Mıbeko» JShS dırektory Halım Qadyrov zaýyt bir jylda 16 myń tonna ónim shyǵaratynyn aıtty. Bul Qazaqstannyń soltústik oblystaryndaǵy qaraqumyq, jasymyq, arpa, burshaq, taǵy basqa da dán óńdeıtin birinshi zaýyt bolyp otyrǵanymen de erekshe. Oǵan jabdyqtar Reseıden, Ýkraınadan, Gollandııadan ákelindi.
Zaýytta 32 jumys orny ashyldy. Zaýyt shyǵarǵan qaraqumyq jarmasy tek Qazaqstan naryǵyna ǵana emes, Ázerbaıjan, Túrikmenstan, Tájikstan, Qyrǵyzstanǵa artylady, sonymen qatar aldaǵy ýaqytta Aýǵanstan naryǵyna shyǵý da josparda bar.
Názıra JÁRIMBET, «Egemen Qazaqstan»
Qostanaı