Burynǵy Jogorký Kenesh depýtaty Shaıyrbek Táshıev ustaldy. Ol «Qyrǵyzmunaıgaz» AQ-daǵy jemqorlyq faktisi boıynsha qozǵalǵan qylmystyq is aıasynda qolǵa tústi. Bul týraly Qyrǵyzstannyń Ishki ister mınıstrligi málimdedi, dep habarlaıdy Egemen.kz.
Ishki ister mınıstrligi júrgizgen tergeý barysynda buryn Jogorký Kenesh depýtaty bolǵan, Qamshybek Táshıevtiń týǵan inisi Shaıyrbek Tashıev ustaldy. Qazirgi ýaqytta ol Bishkek qalalyq ishki ister basqarmasynyń ýaqytsha ustaý ızolıatoryna qamaldy.
Qamshybek Táshıev eki birdeı is boıynsha kýáger retinde jaýap berip jatyr
Qylmystyq iske negiz bolǵan jaǵdaı – Salyq qyzmeti júrgizgen tekseris nátıjesinde anyqtalǵan iri kólemdegi qarjylyq jymqyrý faktileri. Atalǵan derekterge sáıkes, memlekettik kompanııa kóleńkeli deldaldyq shemalardy paıdalaný jáne shıkizatty kúmándi esepten shyǵarý saldarynan 4 mıllıard somnan astam shyǵynǵa ushyrady. Bul shyǵyndar deldaldyq «sur» shemalardy engizý jáne shıkizatty kúmándi túrde esepten shyǵarý arqyly oryn alǵan. Tergeý barysynda júrgizilgen qarjylyq taldaý nátıjesinde paıda tabýdyń úsh arnasy anyqtalyp, olar burynǵy basshylyqqa jaqyn adamdarmen baılanysty bolýy múmkin ekeni aıtylǵan.
Qyrǵyzstan prezıdenti Qamshybek Táshıevti qyzmetinen bosatty
Buǵan deıin Bishkek qalasynyń Pervomaı aýdandyq soty «Qyrǵyzmunaıgaz» isi boıynsha tórt fıgýrantty 2026 jyldyń 16 mamyryna deıin qamaýǵa alǵan bolatyn. Sondaı-aq osy is aıasynda buryn Ulttyq bank basshysy bolǵan Melıs Týrgýnbaev ta ustalǵan, alaıda keıin sot onyń bultartpaý sharasyn úı qamaǵyna aýystyrǵan.