Qyzylorda oblysynda ınvestorlardyń quqyqtaryn buzý derekteri anyqtalyp, birqatar laýazymdy tulǵalar jaýapkershilikke tartyldy. Bul zańsyzdyqtar Investorlardyń quqyqtaryn qorǵaý komıtetimen birlesken tekserý barysynda belgili bolǵan, dep habarlaıdy Egemen.kz.
Prokýratýranyń málimetinshe, Aral aýdanynda Memlekettik kirister basqarmasy prokýrordyń mindetti kelisiminsiz ınvestordy ákimshilik jaýaptylyqqa tartqan. Sol sııaqty Jańaqorǵan aýdanynda da ınvestorǵa qatysty bes ákimshilik is boıynsha aıyppul zańsyz salynǵany anyqtaldy.Prokýratýranyń narazylyǵynan keıin barlyq zańsyz sheshimderdiń kúshi joıyldy.
Sonymen qatar zań buzǵan laýazymdy tulǵalarǵa qatysty ákimshilik ister qozǵalyp, olar kásipkerlik qyzmetke zańsyz aralasqany úshin jaýapqa tartyldy.
Túrkistanda aıyppulǵa ashýlanǵan er adamdar beınekameralardy syndyrǵan
Qoldanystaǵy zańnamaǵa sáıkes, mundaı quqyqbuzýshylyqtar úshin 100 aılyq eseptik kórsetkish kóleminde aıyppul qarastyrylǵan.
Prokýratýra ókilderi ákimshilik kedergilerge tap bolǵan nemese quqyqtary buzylǵan ınvestorlardy arnaıy baılanys nómirlerine habarlasýǵa shaqyrdy.