Mańǵystaý oblysy Beıneý aýdanyndaǵy «Qazaq Oil-R437» janarmaı quıý beketiniń aýmaǵynda jazataıym oqıǵa boldy. Janarmaı quıý beketinde metall bóshke jarylyp, jaldamaly jumysshy ártúrli dárejede kúıik alǵan, dep jazady Egemen.kz.
Lada.kz málimetinshe, oqys oqıǵa 10 naýryz kúni bolǵan. Jarylys saldarynan er adam aýyr jaraqat alǵan. Al oblystyq Tótenshe jaǵdaılar departamenti atalǵan mekenjaıdan shaqyrtý túspegenin málimdedi.
Shahtınskidegi jarylys: Páterdi qasaqana órtedi degen kúdikke ilingen er adam ustaldy
«О́rt tirkelgen joq. Anyqtaýshylar polısııanyń shaqyrtýymen aýrýhanaǵa barǵan. Zardap shekken azamatqa eskertý jasaldy, óıtkeni jumys barysynda órt qaýipsizdigi talaptary saqtalmaǵan», delingen Tótenshe jaǵdaılar departamenti taratqan habarlamada.
Mańǵystaý oblysynyń memlekettik eńbek ınspeksııasy da oqıǵanyń mán-jaıyn anyqtaǵan. О́z kezeginde Eńbek ınspeksııasy jumys berýshilermen baılanys ornatyp, túsinikteme alynǵan. Zardap shekken azamatty tanystyrǵan ókildiń (menedjerdiń) aıtýynsha, er adam bir rettik jumystarǵa ǵana tartylǵandyqtan, onymen eńbek sharty jasalmaǵan.
Shýchınsktegi jarylys: Eki adam jansaqtaý bóliminde jatyr
Qazir mamandar azamatty naqty kelisimshartsyz, jasyryn jumysqa tartý deregi boıynsha qosymsha tergeýdi jalǵastyryp jatyr. Qajetti negizder anyqtalǵan jaǵdaıda qoldanystaǵy zańnama aıasynda tıisti sharalar qabyldanady.
Aqtóbede gaz quıý stansasynda jarylys boldy