Memleket basshysy N.Nazarbaevtyń «Táýelsizdik dáýiri» atty týyndysy sońǵy shırek ǵasyr ishindegi el ómiriniń barlyq salasyn qamtyǵan tolymdy dúnıe.
1991 jyly elimizde jańa táýelsizdik dáýiri bastalǵany belgili. Táýelsizdiktiń arqasynda elimiz kóptegen saıası, ekonomıkalyq jetistikterge qol jetkizdi. Naryqtyq qatynastardy damyta otyryp, Qazaqstan ózindik ulttyq ekonomıkasyn qalyptastyrdy. Osynyń barlyǵy Elbasy kitabynda qamtylǵan.
Búgingi tańda Qazaqstanda buryn-sońdy bolmaǵan munaı-hımııa, avtomobıl ónerkásibi, temir jol, mashına jasaý, IT-tehnologııalar, ǵaryshtyqspýtnıktik óndirister qurylyp, jemisti jumys atqaryp keledi. Sońǵy 4 jyldyń ishinde 630 ındýstrııalyq joba iske qosyldy. Bul Máńgilik El bolýdy murat tutqan Otanymyzdyń osy maqsat jolyndaǵy is-qımylynyń nátıjesi dep bilemiz.
Búgingi tańda Elbasynyń bastamasy boıynsha árbir qazaqstandyqtyń ómir súrý deńgeıin arttyrýǵa baǵyttalǵan memlekettik baǵdarlamalar júzege asyrylýda. «Batys Eýropa – Batys Qytaı» halyqaralyq kólik dálizi, Transkaspıı halyqaralyq kólik marshrýty sekildi birqatar strategııalyq mańyzdy ınfraqurylymdyq jobalar qolǵa alyndy. Sońǵy tórt jylda 9000 balabaqsha, 400-den astam orta mektep, 600-den astam densaýlyq saqtaý nysandary qoldanysqa berildi. Osy aýyz toltyryp aıtarlyqtaı jetistikterdiń barlyǵy ońaılyqpen kelgen joq. Muny Prezıdenttiń sarabdal saıasaty men dana basshylyǵynyń búgingi nátıjesi dep bilý kerek. Osy jolda elimizdiń basynan ótken, Elbasymyzdyń basshylyǵymen sheshimin tapqan mańyzdy oqıǵalardyń barlyǵy jańa kitapqa arqaý bolǵan. El táýelsizdiginiń tarıhyn, baǵyndyrǵan belesterin bilgisi kelgen árbir adam úshin jańa kitaptyń qyzyqty bolary sózsiz.
Áriphan SADYQOV, ekonomıka ǵylymdarynyń doktory, professor Túrkistan