Búgin Mańǵystaý oblysynyń ákimi Eraly Toǵjanov Jańaózen qalasynyń turǵyndaryna jańa ákimdi tanystyrdy. Qalalyq máslıhattyń sheshimimen shahar basshysy bolyp Daýylbaev Ádilbek taǵaıyndaldy. Ádilbek Qulyntaıuly buǵan deıin Mańǵystaý oblysy Qaraqııa aýdanynyń ákimi qyzmetin atqarǵan.
Al, Jańaózen qalasynyń buryńǵy ákimi Elýbaı Ábilov densaýlyǵyna baılanysty óz erkimen laýazymyn bosatty.
Daýylbaev Ádilbek Qulyntaıuly 1964 jyly Mańǵystaý oblysy, Taýshyq aýylynda týylǵan. 1988 jyly ónerkásiptik-azamattyq qurylys mamandyǵy boıynsha Almaty qalasynyń qurylys tehnıkýmyn támamdaǵan. 2004 jyly M.Tynyshbaev atyndaǵy Kazaq Kólik jáne kommýnıkasııa akademııasy, biliktiligi - ınjener-qurylysshy.Eńbek jolyn 1981 jyly Mańǵystaý aýdany Shetpe selosynda Mańǵystaý turǵyn-uı paıdalaný basqarmasynyń jumysshysy bolyp bastaǵan.
2001-2002 jyldary Mańǵystaý oblystyq memlekettik sáýlet-qurylys ınspeksııasynyń dırektorynyń orynbasary, 2002-2004 jyldary Sáýlet-qurylys baqylaý jáne lısenzııalaý aýmaqtyq basqarmasynyń jetekshi mamany, 2005-2006 jyldary jetekshi maman, bas maman, bólim basshysy, Mańǵystaý oblysynyń memlekettik sáýlet-qurylys baqylaý basqarmasy bastyǵynyń mindetin atqarýshy bolyp qyzmet etken ol 2006-2009 jyldary Mańǵystaý oblysynyń memlekettik sáýlet-qurylys baqylaý basqarmasynyń bastyǵy, 2009 jyldyń shilde aıynan bastap Qaraqııa aýdanynyń ákimi laýazymyn atqardy.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy