Búgin Májiliste vıse-spıker Vladımır Bojkonyń tóraǵalyq etýimen Úkimettik saǵat ótti. Otyrysta Qazaqstan Respýblıkasynyń Syrtqy ister mınıstri Qaırat Ábdirahmanov Qazaqstannyń Azııa baǵytyndaǵy syrtqy saıasaty taqyrybynda baıandama jasady.
Otyrysty ashqan vıse-spıker V.Bojko ústimizdegi jyl Elbasymyz Nursultan Ábishuly Nazarbaevtyń bastamasymen Azııa elderimen qarym-qatynas, senim Keńesiniń Azııa elderimen kelisim jasaýyna 25 jyl tolýyna sáıkes kelip otyrǵanyn jáne Syrtqy ister mınıstrligi men Kazaqstandyq dıplomatııalyq korpýsynyń EKSPO-2017 kórmesine Azııa elderiniń úles qosýy arqasynda bolǵanyn atap ótti.
Sonymen qosa V.Bojko elimiz egemendik alǵan sátten bastap Azııa elderimen (Ortalyq Azııa elderin qospaǵanda) 173 eldiń parlamentterimen kelisimder jasaǵanyn aıtty. Máselen, Japonııamen - 19 kelisim jasalsa, Iran - 6, Saýd Arabııasy - 8, Azııa Damý Banki - 22, Islam damý bankimen 7 kelisim jasalǵan.
О́z kezeginde Syrtqy ister mınıstri Q.Ábdirahmanov Qazaqstan Respýblıkasynyń azııalyq baǵyttaǵy syrtqy saıasatyna egjeı-tegjeıli toqtaldy.
Sonymen qosa otyrysta Májilistiń Halyqaralyq ister, qorǵanys jáne qaýipsizdik komıtetiniń Tóraǵasy Máýlen Áshimbaev: "Qazirgi ýaqytta Azııa, ásirese, Azııa-Tynyq muhıt aımaǵy ekonomıkalyq damý, ındýstrııalandyrý, sıfrlyq ekonomıkaǵa kóshý, ınvestısııa tartý boıynsha álemde kósh basynda keledi. Sondyqtan, Qazaqstan úshin Azııa elderimen júıeli yntymaqtastyq ornatý asa mańyzdy. Bul elimizde keshendi jańǵyrý baǵdarlamasyn tabysty iske asyrýǵa oń úlesin qosatyny anyq", dedi.
M.Áshimbaev búgingi Úkimet saǵaty depýtattar men memlekettik organdar ókilderine osy baǵyttaǵy Qazaqstannyń syrtqy saıasat basymdyqtaryn tereń túsinýge múmkindik beredi dep esepteıtinin jáne talqylaý elimizdiń mańyzdy syrtqy saıası mindetterin iske asyrýda parlamenttik dıplomatııanyń resýrstaryn aldaǵy ýaqytta keńinen paıdalanýǵa yqpal etetinine senim bildirdi. Talqylaýǵa qatysqan Májilis depýtattary mınıstr men memlekettik organdardyń basshylaryna birqatar suraqtar qoıdy.
Atap aıtsaq, depýtat Q.Jaqypov ekonomıkalyq dıplomatııanyń quraldary týraly, E.Tımoshenko men R. Kım Azııa elderimen ınvestısııalyq jáne qarjylyq yntymaqtastyqty júzege asyrý máselelerine toqtaldy. Sonymen qosa, Q.Sultanov, B.Mamraev, M.Chırkov mádenı-gýmanıtarlyq, bilim berýdiń ózara árekettesýi jáne Qazaqstannyń Azııa elderine týrıstik tartymdylyǵyn arttyrý máselelerine qatysty suraqtar qoıdy.
Otyrys nátıjesinde úkimettik organdarǵa Qazaqstannyń syrtqy saıasatynyń Azııalyq baǵyt boıynsha júrgizilip jatqan jumystardyń tıimdiligin arttyrý jóninde Úkimetke jiberiletin usynymdar qabyldady.