Búgin Májilistegi Úkimet saǵatynda Syrtqy ister mınıstri Qaırat Ábdirahmanov azaqstan men Mońǵolııany baılanystyratyn avtokólik jolyn salý talqylanyp jatqanyn, jol Qytaı men Reseı aýmaǵy arqyly ótetinin habarlady.
Mınıstr Mońǵolııada qazaq dıasporasynyń kóp ekenin, bul eldiń Qazaqstannyń syrtqy saıasatynda mańyzdy oryn alatynyn atap ótti.
"Ekijaqty qarym-qatynastardyń basymdyqqa ıe máseleleri – Baıan-О́lgıı aımaǵynda konsýldyq pýnktin ashý, sondaı-aq Qytaı men Reseı aýmaǵy arqyly ótetin Qazaqstandy Mońǵolııamen baılanystyratyn avtokólik jolynyń qurylysy bolyp tabylady", — dedi Q.Ábdirahmanov.
Budan bólek, mınıstr Qazaqstannyń Qytaı, Japonııa, Ońtústik Koreıa, Úndistan, Vetnam, Sıngapýr, Malaızııa, Indonezııa elderimen kópjaqty áriptestikti tereńdetýge nıetti ekenin aıtty.