Oblys aýmaǵynda tirkelgen kólikterdiń 15 paıyzy jalǵan tehnıkalyq tekserý qujatymen júr dep habarlaıdy «Egemen.kz» tilshisi.
Buǵan qyzmeti kúmándi jekemenshik ortalyqtar jol berip otyr. Olar kóliktiń ár bólshegin jiti tekserýdiń ornyna, syrtqy sıpatyna, sýretine qarap, qujat bere salady. Ońtústik Qazaqstan oblysy boıynsha kóliktik baqylaý ınspeksııasynyń mamandary osyny anyqtaǵan.
Oblysta 567 myń kólik tirkelgen. Bul tehnıkalardyń 81 myńnan astamy - aýyr salmaqty kólikter. Oblys boıynsha kólikterdi tehnıkalyq tekserýden ótkizetin 58 ortalyq jumys isteıdi. Alaıda, olardyń deni halyqtyń qaýipsizdigin emes, qaltanyń qamyn oılaıtynǵa uqsaıdy. Tıisti sala mamandary birlesip jasaǵan reıd barysynda jalǵan qujat alǵan júrgizýshilerge aıyppul salyndy.
Bul aýqymdy sharanyń ótýine QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń OQO boıynsha departamenti men OQO boıynsha kóliktik baqylaý ınspeksııasy bastamashy boldy.
Baqtııar TAIJAN,
«Egemen Qazaqstan».
Ońtústik Qazaqstan oblysy.