Ujymdyq qaýipsizdik týraly shart uıymy turaqty keńesiniń otyrysy boldy. Oǵan UQShU bas hatshysy Iýrıı Hachatýrov, bas hatshynyń orynbasarlary, UQShU Hatshylyǵy men Birlesken shtabynyń qyzmetkerleri qatysty, dep habarlaıdy Syrtqy ister mınıstrliginiń baspasóz qyzmeti.
2017-2018 jyldary Uıymǵa tóraǵalyq etý quqyǵy Belarýsten Qazaqstanǵa berilýine baılanysty rotasııalaý prınsıpine sáıkes, Qazaqstan Respýblıkasynyń UQShU janyndaǵy ókiletti ókili Jánibek Imanalıev UQShU Turaqty keńesiniń tóraǵasy bolyp saılandy.
Belarýstiń UQKU janyndaǵy turaqty jáne ókiletti ókili, Belarýstiń Reseıdegi elshisi Igor Petrıshenko qazaqstandyq áriptesine UQShU Turaqty keńesiniń sheshimderiniń sımvolyn bildiretin balǵany tapsyrdy. Qazaqstan ókili áriptesterin UQShU-da Qazaqstan Prezıdenti Nursultan Nazarbaevtyń bastamalaryn qoldaǵandyqtary úshin alǵys aıtyp, ózara tıimdi yntymaqtastyqqa senim bildirdi.
Esterińizge sala ketsek, Qazaqstannyń Ujymdyq qaýipsizdik týraly shart uıymyndaǵy áriptesteri qatarynda Armenııa, Belarýs, Qyrǵyzstan, Reseı jáne Tájikstan bar.