Nıderlandy ortalyq qaýymdastyǵy ókildiginiń mamandary Qyzyljar óńiriniń dárigerlerimen kezdesip, týberkýlezge qarsy qoldanylatyn jańa medısınalyq preparattardyń tıimdiligi týraly áńgimelep berdi.
Olar naýqasty sanaýly kúnderdiń ishinde emdep jazatyn dári-dármek túrlerin usyndy. Qurt aýryna shaldyqqandar burynǵydaı 20 aı emes, endi 1 jyl ishinde saýyǵa alatyn kórinedi.
«2018 jyldan bastap dárige tózimdi týberkýlez túrine qarsy emdeý sharalary engiziledi. Osylaısha osy aýrý túrin qysqa merzim ishinde jazyp shyǵý múmkindigi tabylyp otyr», deıdi oblystyq týberkýlege qarsy dıspanserdiń dáriger-ftızıatory Dınara Kármenova.
Oblystyq týberkýlezge qarsy dıspanseri bas dárigeriniń orynbasary Raısa Qusaıynovanyń sózine qaraǵanda Nıderlandy preparattary halyqaralyq densaýlyq saqtaý uıymy usynǵan medısınalyq dári-dármek tizimine engizilgen.
Oblysta epıdımıologııalyq jaǵdaı birqalypty. Atalmysh dertke shaldyǵýshylardyń sany jyl saıyn 7 paıyzǵa kemip keledi. Byltyr oblystyq týberkýlezge qarsy dıspanserde 413 naýqas esepke alynsa, bıyl 370-ti qurap otyr
О́mir Esqalı,
«Egemen Qazaqstan».
Soltústik Qazaqstan oblysy