Terrorızmdi ymyrasyz basýǵa memlekettiń múmkindigi jetedi

Keshe Aqordada Memleket basshysy Nursultan Na­zar­baev­tyń tóraǵalyǵymen dinı ekstremızm jáne terrorızmmen kúres máseleleri jóninde keńes bolyp ótti, dep habar­lady Qazaqstan Respýb­lı­kasy Prezıdentiniń baspasóz qyzmeti. Keńes jumysyna Premer-Mınıstr Kárim Másimov, Memlekettik hatshy Qanat Saýdabaev, Prezıdent Ákimshiliginiń Bas­shy­sy Aslan Mýsın, Joǵarǵy Sot tóraǵasy Bektas Beknazarov, Prezıdenttiń kómekshisi – Qaýip­sizdik Keńesiniń hatshysy Marat Tájın, Bas prokýror Ashat Daýyl­baev, Ulttyq qaýipsizdik komıtetiniń tóraǵasy Nurtaı Ábiqaev, «Syrbar» syrtqy barlaý qyzmetiniń dırektory Amanjol Janqulıev, Qorǵanys mınıstri Ádilbek Jaqsybekov, Ishki ister mınıstri Qalmuhanbet Qa­symov, Ádilet mınıstri Rashıd Túsipbekov qatysty. Keńesti asha otyryp, Memleket basshysy ótken senbi kúni Taraz qalasynda birqatar erekshe aýyr qylmystar jasalǵanyn atap ótti. Qylmysker quqyq qorǵaý organdarynyń qyzmetkerlerine qarýly shabýyl jasady, sonyń saldarynan UQK-niń eki qyz­metkeri, úsh polısııa qyzmetkeri jáne eki azamat qaza tapty. Prezıdent polıseıler men ózge quqyq qorǵaý organdarynyń qyzmetkerleri Otanǵa qyzmet etýdiń qaltqysyz úlgisi men eren erlik kórsetkenin aıtty. Jol polısııasynyń jeke batalony qyz­metkerleri tarapynan jara­qat­tanǵan qylmysker, zalal­syz­dandyrýǵa áreket jasaý kezinde ózin ózi jaryp jibergen. Sonyń saldarynan ony ustaǵan vzvod komandıri, polısııa kapıtany Baıtasov qylmyskerdi denesimen jaýyp, asqan erlik kórsetti. Polısııa qyzmetkeri janqııarlyq arqyly qarapaıym adamdardyń opat bolýyna jol bermedi. – Eń aldymen, men qaza bol­ǵan­dardyń otbasylary men týys-týǵandarynyń qaıǵysyna ortaq­ta­syp, shyn júrekten kóńil aı­tamyn. Biz olardyń qaıǵylaryn bólisemiz. Bular ózderiniń qyz­met­tik boryshyna adaldyq ta­nyt­ty, azamattardy lańkesten qor­ǵady. Ishki ister mınıstrligine, oblystaǵy jergilikti atqarý­shy organdarǵa qaza bolǵan­dar­dyń otbasylary men balalary úshin qajetti nárseniń bárin jasap, olarǵa jan-jaqty kómek kórsetýdi tapsyramyn, – dedi Mem­leket basshysy. Qaza bolǵan quqyq qorǵaý or­gandary qyzmetkerleriniń óshpes erlik isteri memlekettik nagradalarmen atap ótiletin bolady. Atalǵan jaǵdaı boıynsha «terrorızm» jáne «adam óltirý» baptary boıynsha qylmystyq is qozǵaldy. Oryn alǵan barlyq derekterge tekseris júrgizý úshin Ishki ister mınıstri Qalmuhanbet Qasymov basshylyq jasaıtyn arnaýly vedomstvoaralyq jedel-tergeý toby quryldy. Top jan-jaqty tergeý júrgizýleri tıis. Nursultan Nazarbaev terrorızm álemniń kóptegen elderinde, so­nyń ishinde damyǵan Eýropada oryn alyp otyrǵanyn jáne Qa­zaq­stan odan syrt qalmaıtynyn atap ótti. – Qazaqstanǵa qarsy jasalǵan terrorızmdi ymyrasyz basyp-jan­shýǵa memlekettiń múmkindigi jeterlik. Memlekettiń qolynda kúsh te, qýat ta, jiger de bar. Biz lańkestikti túbirimen joq qy­la­myz. Men sondaı-aq barlyq qa­zaq­standyqtardy qyraǵylyqqa sha­qyramyn. Eger lańkestikke qa­tysty derekter baıqalatyn bolsa, ony dereý tıisti quqyq qorǵaý organdaryna habarlaý qajet. Biz derekterdi anyqtap, barlyq ba­ǵyt­tar boıynsha jumysty kú­sheı­temiz, – dep atap ótti Prezıdent. Keńeste quqyq qorǵaý organ­dary basshylarynyń esepteri tyńdaldy. Keńestiń qorytyndysy boı­yn­sha Memleket basshysy bir­qa­tar naqty tapsyrmalar berdi. Sýretti túsirgender S.BONDARENKO, B.OTARBAEV.