Bul týraly oblys ákimdiginde ótken bilim berý basqarmasynyń alqa májilisinde aıtyldy.
Jyl boıy óńirdegi balabaqshalarda 7 myń 200 oryn bos turǵany anyqtalǵan. Oblystyń tekserý komıssııasy men oblystyq máslıhat depýtattary oblys ortalyǵyndaǵy 22-i balabaqshany tekserip shyǵypty. Árbir balaǵa memleket tarapynan jylyna 240 myń teńge bólinedi. Sonda, qarjy durys maqsatta qoldanylǵan ba? Balalardyń balabaqshaǵa kelý kórsetkishi 64 paıyz. Bul balabaqshalardaǵy árbir úshinshi oryn jyl boıy bos turǵanyn kórsetedi. Balabaqshaǵa kezekke turǵan ata-analar óńirde az emes. Oblystyq bilim basqarmasy balabaqshalarǵa joldama berýde ashyqtyqty qamtamasyz etý jáne balalardyń kúndelikti balabaqshaǵa barýyn baqylaý maqsatynda Smart Pavlodar pılottyq jobasyn qolǵa alý qajet dep otyr.
«Eger de balabaqshaǵa kúndelikti kelmeıtin bala aýyrmaǵan bolsa, basqa da sebebi joq bolsa, onda tizimnen shyǵaryp tastap, kezekte turǵan basqa balalardy shaqyrý kerek», - dedi oblys ákimi Bolat Baqaýov.
О́ziniń orynbasary Meıram Begentaevqa jańa tizim qurastyrýdy tapsyrdy.
Farıda BYQAI, «Egemen Qazaqstan»
Pavlodar