2017 jyly Atyraý qalasy men qala mańyndaǵy selolyq okrýgterde turǵyn úı salý úshin eki myńǵa jýyq ýchaske berildi. Bıznes úshin 86 jer telimi saýdaǵa qoıyldy, 43 ýchaske aýksıonda satyldy, dep habarlaıdy Atyraý oblystyq óńirlik kommýnıkasııalar qyzmeti.
Qazir oblysta 1998-2004 jyldary ótinish bergenderge jer telimi bólinýde. JTÚ salýǵa jer ýchaskesi ınjenerlik kommýnıkasııalar júrgizilgennen keıin beriledi. О́tken jyly osy maqsatqa 6 mlrd 987 mln teńge bólindi.
Qala ákimi apparatynyń jetekshisi Serik Nysanbaevtyń aıtýynsha, qalalyq bılik jerlerdi qaıtarýǵa jumys istep jatyr.
– Qala ákimi Serik Shapkenov osy máselege aıryqsha nazar aýdaryp otyr. Jer maqsatty paıdalanatyn adamdarǵa ǵana berilýi kerek, - dedi Nysanbaev, - qazir paıdalanylmaǵan jerlerdi sot arqyly qaıtarýdy bastadyq, jalpy aýdany 11,7 ga úsh jer ýchaskesi memleketke qaıtaryldy.