Májilis Spıkeri Nurlan Nyǵmatýlınniń tóraǵalyǵymen ótken Palatanyń Bıýro otyrysynda aldaǵy jalpy otyrystyń kún tártibi naqtylandy, dep habarlady Májilistiń baspasóz qyzmeti.
Depýtattar osy kúni Qazaqstan men Ázerbaıjan Respýblıkalarynyń Úkimetteri arasyndaǵy tabys pen múlikke qosarlanǵan salyq salýdy boldyrmaý jáne salyq tóleýden jaltarýǵa jol bermeý týraly konvensııaǵa ózgerister men tolyqtyrýlar engizý týraly eki el arasyndaǵy hattamany ratıfıkasııalaý týraly Zań jobasyn qaraý jóninde sheshim qabyldady. Sondaı-aq, Qazaqstan Respýblıkasynyń Úkimeti men Birikken Ulttar Uıymy arasyndaǵy Soltústik jáne Ortalyq Azııa úshin Sýbóńirlik bólimshege arnalǵan ákimshilik jáne qarjylyq rásimderge qatysty kelisimdi ratıfıkasııalaý týraly Zań jobasy osy kúngi otyrystyń kún tártibine engizildi.
Bıýro otyrysynda Qorǵanys ónerkásibi jáne memlekettik qorǵanystyq tapsyrys jáne Qaýipsizdik Keńesi, Valıýtalyq retteý jáne valıýtalyq baqylaý týraly Zańdardyń jobalary ilespe túzetýlerimen, keıbir zańnamalyq aktilerge dinı qyzmet jáne dinı birlestikter máseleleri men Qazaqstan Respýblıkasynyń keıbir zańnamalyq aktilerine áleýmettik qamsyzdandyrý, sondaı-aq dárilik zattar men medısınalyq buıymdardyń aınalysy máseleleri boıynsha ózgerister men tolyqtyrýlar engizý týraly Zań jobalaryna ózgerister men tolyqtyrýlar engizý týraly Zań jobalaryn talqylaý máselesi qaraldy.
Sonymen qatar osy kúni Tabıǵı monopolııalar týraly jáne memlekettik satyp alý jáne kvazımemlekettik sektor sýbektileriniń satyp alý máseleleri boıynsha ózgerister men tolyqtyrýlar engizý týraly Zań jobasyn talqylaý maquldandy.
Sondaı-aq, qabyldanatyn qujattar qatarynda TMD memleketiniń aqparattyq qaýipsizdikti qamtamasyz etý salasyndaǵy yntymaqtastyǵy týraly, Qazaqstan men Tájikstan Úkimetteri arasyndaǵy Dıplomatııalyq ókildikterdiń ǵımarattaryn salý úshin jer ýchaskelerin ózara berý týraly kelisimdi, Qazaqstan men AQSh Úkimetteri arasyndaǵy Aýǵanstan Islam Respýblıkasynyń turaqtylyǵy jáne qaıta qalpyna keltirý jónindegi is-qımylǵa AQSh-tyń qatysýyna baılanysty Qazaqstan aýmaǵy arqyly arnaıy júktiń kommersııalyq temirjol tranzıtin qamtamasyz etý týraly jáne Qazaqstan men Belarýs elderi Úkimetteri arasyndaǵy Tabys pen múlikke qosarlanǵan salyq salýdy boldyrmaý jáne salyq tóleýden jaltarýǵa jol bermeý týraly eki el arasyndaǵy kelisimderge ózgerister men tolyqtyrýlar engizý týraly hattamalardy ratıfıkasııalaý týraly jáne Eýrazııalyq ekonomıkalyq odaqqa múshe memleketterdiń ónerkásiptik taýarlarǵa qatysty ózindik erekshelikti sýbsıdııalardy Eýrazııalyq ekonomıkalyq komıssııamen erikti kelisý jáne Eýrazııalyq ekonomıkalyq odaqqa múshe memleketterdiń ózindik erekshelikti sýbsıdııalardy berýine baılanysty talqylaýlardy Eýrazııalyq ekonomıkalyq komıssııanyń júrgizý tártibi týraly kelisimdi ratıfıkasııalaý týraly Zań jobalary bar.