Taraz memlekettik ýnıversıtetinde N.Nazarbaevtyń «Táýelsizdik dáýiri» atty kitaby tanystyryldy

Jıynǵa Jambyl oblysy ákimdiginiń birqatar basqarma bas­shylary, buqaralyq aqparat qu­raldary ókilderi, joǵary oqý oryndarynyń professor-oqy­tý­shylar quramy qatysty.

Sharany ashyp, júrgizgen M.H.Dýlatı atyndaǵy Taraz mem­lekettik ýnıversıtetiniń rektory, pedagogıka ǵylymdarynyń doktory, professor M.Sarybekov Elbasynyń bul eńbegi elimiz tá­ýelsizdikke qol jetkizgen jyl­dardaǵy qıynshylyq pen búgingi gúldengen Qazaqstannyń júrip ótken jolyn kórsetetin shejireli kitap ekenin aıtyp ótti.

M.Sarybekov jańa týyndyda «Táýelsizdik rýhymyzdy shyń­dady», «Biz álemdik daǵda­rys synaǵyna tótep berdik», «Álem moıyndaǵan kóshbas­shy­lyq», «Jańa ekonomıkaǵa batyl umtylys», «Adam kapıta­ly­nyń jańa sapasy», «Qazaq­stan­nyń aıqyn jáne myzǵymas basym­dyqtary» atty birqatar tartymdy bólimder bar ekendigine toqtalyp, onyń mańyzy tóńiregindegi oılaryn ortaǵa saldy.

Kelesi kezekte baıandama ja­saǵan zań fakýltetiniń deka­ny Qaırat Nurmanbetov Elba­sy kitabyna arqaý bolǵan táýel­siz­diktiń alǵashqy jyldaryndaǵy el ómiriniń qoǵamdyq-saıası ahýaly, ondaǵy quqyqtyq qatynastardy retteýdiń jaı-japsaryn áńgi­me­ledi.

Odan keıin gýmanıtarlyq-áleýmettik ǵylymdar fakýl­te­tiniń dekany Ázimhan Ybyraıym «Uly betburys» taqyrybynda baıandama jasap, Elbasynyń bul eńbeginde elimiz táýelsizdik alǵaly beri memleketimizdiń qol jetkizgen tabystary jan-jaqta saralanǵandyǵyn tilge tıek etti.

Sonymen qatar Aımen Ánýar­bek kitaptyń «Jańa ǵasyr tabal­dyryǵynda» atty taraýyna toq­talyp, jańa myńjyldyqtar to­ǵy­synda egemendikke qol jet­kiz­gen Qazaq eli jańa ǵasyr tabal­dy­ryǵyn tabysty attaǵanyna tarıh kýá ekendigin aıtyp ótti. Son­daı-aq joǵary oqý ornynan keıingi bilim berý fakýltetiniń dekany Záýre Ábdikárimova «Qalyp­tas­qan memleket» taqyrybynda ja­saǵan baıandamasynda kitapta Qazaqstannyń tarıhı oqıǵalar alańyna aınalyp, halyqaralyq saıasatta bedeliniń arta túskendigin tilge tıek etti.

Shara sońynda ýnıversıtettiń professor-oqytýshylar quramy kitap týraly óz oılaryn or­ta­ǵa saldy, usynystaryn aıtty.

Lázzat TALǴATQYZY