The Mice Times of Asia portaly 16 qańtar kúni Qazaqstan Prezıdenti Nursultan Nazarbaevtyń Donald Tramppen kezdesetini týraly aıtyp, Qazaqstan týraly kólemdi maqala jarııalady. Nazarlaryńyzǵa maqalanyń yqshamdalǵan mazmunyn usynamyz.
2017 jyly Qazaqstan 86 mln tonna kómirsýtek óndirip, memleket tarıhyndaǵy rekordtyq kórsetkishke qol jetkizdi.
2014-2016 jyldar aralyǵynda Aqtóbe, Qyzylorda oblystaryndaǵy munaı ken oryndary sarqyla bastady da, Qazaqstanda munaı óndirisi tómendedi. Degenmen Qashaǵan ken ornynyń qalpyna keltirilýi jaǵdaıdy ózgertýge múmkindik berdi.
Qazaqstan OPEK+ kelisimine qatysady. Oǵan sáıkes munaı eksporttaýshy memleketter atalǵan shıkizat óndirisin qysqartýy kerek bolatyn. Qazaqstannyń Energetıka mınıstrligi memleket bul mindetterdi tolyǵymen oryndaıtynyn aıtqan edi.
Bloomberg byltyr Qazaqstan OPEK+ kelisimi boıynsha óz mindetterin tolyq oryndamady dep jazdy. Aımaqtyq problemalar ınstıtýtynyń bas dırektory Dmıtrıı Jýravlev Qazaqstannyń saıası róliniń mańyzdy ekenin aıtyp, bul pikir alańdaýshylyq týǵyzatyn dúnıe emes ekenin aıtty. "Qazaqstan úshin munaı negizgi shıkizat sanalady dep oılasaq, múldem qatelesemiz. Qazaqstan ýran óndirýden kósh bastap tur. Sonymen qatar Qazaqstannyń munaı eksporty álemdik kórsetkishtiń az ǵana bóligin qamtıdy", dedi ol. Sarapshynyń aıtýynsha, iri memleketterdiń kóbi Qazaqstanmen jaqsy qarym-qatynasta bolǵysy keledi. "Bul Qazaqstannyń BUU QK tóraǵasy bolyp saılanǵanyna baılanysty dep oılasańyz, qatelesesiz. Sebebi Qazaqstan Reseı, Qytaımen qarym-qatynasynan bólek Batys elderimen de ekonomıkalyq baılanystardy arttyryp keledi. Ásirese, Eýropa elderimen ekonomıkalyq seriktestik jaqsy deńgeıge jetken. Mysaly, Germanııa Qazaqstannyń tasymal júıesine kóp ınvestısııa salady", deıdi ınstıtýt dırektory.