Sábıli bolǵan ata-analar SMS quttyqtaý alyp, proaktıvti ádispen kýálikke qol jetkizedi

Jyl basynan beri elimiz boıynsha alty myńǵa jýyq ana osyndaı SMS quttyqtaý alǵan. Al alǵashqylardyń biri bolyp proaktıvti ádispen kýálik ıelengender arasynda atyraýlyq Baǵyt Álı Tilekqabyluly men Maqsym Omar Nurbekuly da bar. 

Oblystyq perınataldy or­talyqta dúnıege Omar esim­di ul ákelgen Jaı­dar Iba­tol­la­qyzy «Qaǵazbas­ty­lyqty kó­beıtpeı, jedel, avtomatty túrde resimdeletin kýálik­tiń alǵash­qy ıegerleriniń qatarynda bolǵa­nymyzǵa qýa­nysh­tymyz», deıdi.

«Azamattarǵa arnalǵan úki­met» memlekettik korporasııa­sy «Ulttyq aqparattyq tehnologııa­lar» aksıonerlik qoǵamynyń proaktıvti ádisi aıasynda bas­taý alǵan qanatqaqty jobanyń artyqshylyǵy kóp. Oblystyq halyqqa qyz­met kórsetý orta­lyǵy depar­ta­mentiniń dırektory Turlan Nur­janov buryn jańa týǵan balany tirkeý, kýáligin alý, jár­demaqy taǵaıyndaý, balabaqsha kezegine turý syndy sharalar halyqqa qyzmet kórsetý ortalyqtarynda júzege asqanyn aıtady. Endi ata-ana HQO-ǵa balanyń kýáligin alyp ketý úshin ǵana barady nemese úıge jetkizý qyzmetin paıda­lana alady. Barlyq qajetti qyz­metterdi SMS habarlama ar­qy­ly alýǵa bolady. Bul úshin kez kelgen halyqqa qyzmet kór­setý ortalyqtaryna baryp, telefon nómirlerin portaldaǵy jeke kabınetterinde bekitýi kerek. 

Baqytgúl BABASh, «Egemen Qazaqstan»

ATYRAÝ

Sýretti túsirgen  Erlan Altybaev