Aýyldyqtardan 366 aryz-shaǵym tússe, polısııanyń jedel izdestirý nátıjesinde 194 bas mal ıelerine qaıtarylypty. Qazir 172 mal áli izdestirilýde. Polıseıler 78 jeke uryny jáne mal urlyǵymen aınalysatyn 20 qylmystyq topty qolǵa túsirdi. Mal urlyǵy oqıǵasy óńirdegi barlyq aýdandarda kezdesedi. Kórshiles oblystardan da kelip óńirdegi maldardy, jylqylardy urlap áketetin urylardyń da josparyn iske aspapty. Sharbaqty aýdanynda jaıylymda júrgen sıyrlardy myltyqpen atyp, kóligine tıep kele jatqan júrgizýshi qolǵa túsedi.Qashyr aýdanynda ótken jyly aýdanda 54 bas mal urlanǵan. Sondyqtan, jergilikti polısııa qyzmeti óńirdegi et ónimderin satatyn bazarlarda mal urlyǵymen aınalysatyn adamdardy anyqtaýǵa arnalǵan jedel-izdestirý sharalaryn júrgizedi. Aýdandarda mal urlyǵynyń aldyn alý maqsatynda mobıldi toptar qurylǵan. Polısııa qyzmeti jergilikti ákimdiktermen birlesip, «Qystaý», «Skotokrad», «Malyńyzdy saqtańyz!» sharalaryn ótkizedi.
Farıda Byqaı
«Egemen Qazaqstan
Pavlodar