Djonatan Granoff: Qazaqstan beıbitshilik kópiri ispetti

Djonatan Granoff,  Jahandyq qaýipsizdik ınstıtýtynyń prezıdenti (AQSh):

Qaýipsizdik úshin ıadrolyq qarýǵa ıe memleketterdiń basqa­lardy odan bas tartýǵa sha­qyrýy ádildik emes. Son­dyqtan Nursultan Nazarbaevtyń shartarapty atom bombasynan azat etý týraly bastamasy óte mańyzdy. Álem elderiniń kósh­basshylary Qazaqstan Pre­zıdentiniń bul bastama­syna biraýyzdan qoldaý bil­dirýi kerek. Máselen, AQSh ózi­niń ıadrolyq qarýdy taratpaý kelisimine saı óz mindetin oryndap, oqtumsyqtarynan bas tartýy tıis. Mundaı áreketti Reseı, Qytaı, Ulybrıtanııa jáne Fransııa elderi de oryndaýy qajet. Byltyr shildede 122 memleket ıadrolyq qarýǵa tyıym salý kelisimine qol qoıdy. Eger oqtumsyqtary bar memleketter buǵan kelispese, ózara áriptestik ornatyp, ıadrolyq qarýdan birlese bas tartýy tıis.  Osy oraıda, Qazaqstannyń BUU-daǵy qyzmeti talaılarǵa úlgi bola alady. Ásirese, Qaýipsizdik Keńesine tóra­ǵalyq etýiniń mańyzy zor. О́ıt­keni bul memlekettiń eki ta­rapqa kópir bolýǵa qabile­ti bar. Sonymen qatar Qazaq­stan Qytaı, Reseı, AQSh, Úndis­tan syndy álemniń kópte­gen elderimen  jaqsy qarym-qatynas ornatqan. Aýǵan­standaǵy máseleni beıbit jolmen sheshýge batyl qadamdar ja­sap jatyr. Qazaqstanda kóp­tegen etnostar tatý-tátti ómir súrip jatqany belgili. Osy turǵydan kópultty, beı­bit jáne damyǵan qoǵam qurý­dyń ozyq úlgisin de kórsetip keledi.