Áriptestik shapaǵaty – baldyrǵandar qamy

Qaraǵandy oblystyq ákimdi­gin­de memlekettik-jekemenshik ár­­­­ip­testik sheńberinde balabaqsha­lar qurylysyn júrgizý jóninde konsessııalyq kelisim-shartqa qol qoıyldy. Osyǵan baılanysty rásimde oblys ákimi Serik Ahmetov memlekettik-jekemenshik áriptestigi aımaqtyq ortalyǵynyń respýb­lı­kada alǵash ret ashylyp otyr­ǵan­dyǵyn atap ótti. – Tańdaýdyń mektepke deıingi bilim berý salasyndaǵy jobany júzege asyrýǵa túskeni jaıdan-jaı emes. Elbasynyń balabaq­sha­lardaǵy orynnyń jetispeýshiligi máselesin sheshý tapsyrmasyna baılanysty olardyń qurylysyn keń kólemde ári jedeldete júr­gi­zý úshin memlekettik-jekemenshik áriptestik konsessııa atalatyn me­hanızmin qoldanýdy jón kór­dik. Osynaý kelisim «Qazaqstan Respýblıkasyndaǵy konsessııalar týraly» Zańnyń qabyldan­ǵan­nan bergi ýaqyttaǵy áleýmet­tik saladaǵy qol qoıylǵan birinshi qujat, – dedi ol. Kelisim-shartqa oblystyq bilim berý basqarmasynyń bastyǵy Es­en­ǵazy Imanǵalıev pen ashyq kon­kýrsta jeńimpaz bolǵan tú­rik­­tiń «7 Piramit» kompanııasynyń bas­shy­sy Olý Mustafa myrza qol qoıdy. Konsessııalyq jobanyń jal­py quny 6 mlrd. teńge shama­syn­da. Ony iske asyrý barysynda Qara­ǵandy qalasynda árqaısysy 320 oryndyq 11 balabaqsha sa­ly­natyn bolady. Bul – 3 pen 6 jas ara­lyǵyndaǵy balalar úshin qo­sym­sha 3 520 oryn ashylady degen sóz. Kelisimniń qoldanylý merzimi – 14 jyl. Soǵan sáıkes konsessıoner 11 balabaqshanyń quryly­syn kelesi jyly aıaqtaýǵa tıis. 2025 jylǵa deıin osy ǵımarat­tar­dy tehnıkalyq jaǵynan qam­ta­masyz etedi. Al bilim berý bas­qarmasy jalpy memlekettik standarttar negizinde bilim men tár­bıe berý úrdisin júzege asyrady. Salynǵan ınvestısııa jergilikti bıýdjet pen ata-analardyń tólem­aqysy esebinen birtindep qaıta­ry­lady. Bul joba elimizdegi memlekettik-jekemenshik áriptestigin da­my­ta túsýge jańasha serpin beredi. Aıqyn NESIPBAI, Qaraǵandy.