Búgin Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Ekonomıka máseleleri jónindegi saraptama keńesiniń kezekti otyrysy ótti, dep habarlady primeministerkz.
Otyrys barysynda Tórtinshi ónerkásiptik revolıýsııanyń el ekonomıkasynyń naqty sektoryna áseri máseleleri talqylandy. «Sentrans» AQ dırektorlar keńesiniń tóraǵasy E. Ábdirazaqov otyrys qatysýshylaryna Úshinshi tehnologııalyq revolıýsııa turǵysynan jańa ekonomıkalyq ósim modelin ázirleý boıynsha zertteýdi usyndy.
Talqylaýǵa QR Premer-Mınıstriniń orynbasary E. Dosaev, ulttyq ekonomıka mınıstri T. Súleımenov, ınvestısııalar jáne damý mınıstri J. Qasymbek, «Astana» halyqaralyq ǵylymı kesheni» ortalyǵynyń basshysy A. Boranbaev, «Qazaq munaı jáne gaz ınstıtýty» AQ bas dırektorynyń keńesshisi J. Kúlekeev, «Atameken» UKP basqarma tóraǵasy A. Myrzahmetov, «Rakýrs» ekonomıkalyq taldaý ortalyǵy» qoǵamdyq qorynyń dırektory O. Jandosov, «Oil Gas Project» JShS dırektory J. Ahmetov, «Qazaqstan halyq banki» AQ basqarma tóraǵasy Ú. Shaıahmetova, «Qoǵamdyq máselelerge taldaý jasaý ortalyǵy» qoǵamdyq qorynyń dırektory M. Mahmutova jáne basqalary qatysty.