Qostanaılyqtar «Nur Otanmen» birge

Qostanaıda «Nur Otan» halyqtyq-demokratııalyq partııasynyń saılaýaldy tu­ǵyr­nama jobasy talqylandy. Partııanyń bul asa mańyzdy qujaty «Halyq daýysy» ak­sııa­synyń barysynda kelip túsken usynystar negizinde ázir­lendi. Aksııaǵa mıllıonnan asa qazaqstandyqtar qatysty. Olardyń qatarynda qosta­naı­lyqtar da belsendilik tanytty. Tuǵyrnama jobasyna ekono­mı­ka­ny damytyp, ár qazaq­stan­dyq­tyń órkendegen elde ómir súrýin qamtamasyz etý negizgi ózek etip alyndy. – «Nur Otan» Elbasy, partııa Tóraǵasy Nursultan Nazar­baev­tyń uzaq merzimdik maqsattaryn iske asyratyn basty saıası or­ta­lyq bolyp tabylady. Ekonomıka quldyraǵan 90-shy jyldar men búgingi nyǵaıǵan Qazaqstandy sa­lystyrý kelmeıdi. Aınalasy jı­yrma jyldyń ishinde ekonomı­ka­sy turaqty, áleýmettik kórkeıgen elge aınaldyq. Oǵan qostanaı­lyq­tardyń qosqan úlesi qomaq­ty, – dep atap kórsetti jıynǵa As­tanadan arnaıy kelip qatys­qan partııa Tóraǵasynyń birinshi orynbasary Nurlan Nyǵmatýlın. Partııanyń oblystaǵy saıası keńesiniń keńeıtilgen májili­sin­de sóz alǵandar óńirde júzege asyrylǵan isterdi tilge tıek etti. О́ndirisi de, aýyl sharýashylyǵy da qarqyndy damyp otyrǵan Qostanaı oblysy bıyl 8 mıllıon 700 myń tonnadaı astyq bas­tyrdy. Sonymen qatar, nurotan­dyq­tar qatarynyń kóptigi jáne partııanyń jergilikti uıymdaryn materıaldyq-tehnıkalyq nyǵaı­tý jóninen de Qostanaı jetekshi óńirdiń biri. «Qarqyn» jaýapkershiligi shek­­teýli seriktestiginiń dırektory, Qazaqstannyń Eńbek Eri Saıran Buqanov óz sharýashylyǵynda eńbek etetin mamandardyń basym kópshiligi jastar ekenin, ózi aýyl jastaryna múmkindiginshe áleý­met­­tik jaǵdaı jasap otyrǵanyn aıta kelip, aýylda ınfra­qu­ry­lym­dy damytýdy, áleýmettik nysan­dardy kóptep salýdy usyndy. N.Nyǵmatýlın partııanyń saı­laýaldy tuǵyrnama jobasyna naqty toqtalyp ótti. Onda 2020 jylǵa deıingi júzege asatyn ister naqty, tııanaqty kórsetilgen. Halyqtyń densaýlyǵyn jaq­sar­tý­da, joldar salyp, bilim sapa­syn kóterýde naqty ister atqa­ry­lady. 400 mektep salynady. Mektepke deıingi mekemeler sany eki ese arttyrylady. Al bul jóni­nen Qostanaı oblysy tamasha úlgi bolyp sanalady. Qazir óńir­degi búldirshinderdiń 90 paıyzy mektepke deıingi mekemelerge qamtylǵan. Nurlan Zaırollauly mundaı kórsetkish tek Qa­zaq­stan­da ǵana emes, TMD elderinde joq ekenin jetkize otyryp, oblys ákimi Sergeı Kýlagınge rahmet aıtty. N.Nyǵmatýlın keler jyldyń 15 qańtaryna belgilengen saılaý­dyń óńirde yntymaqty, tııanaqty ótetinine jáne partııanyń saı­laýaldy tuǵarnamasy jobasynyń ár ujymǵa, ár úıge, ár adamǵa jetetinine senim bildirdi. О́ńirlik saıası keńestiń keńeıtilgen máji­lisinde ardagerler men ónerde, sportta, bızneste tabysqa jetken qostanaılyqtarǵa partııa bıleti tabys etildi. Sonymen qatar, partııanyń HIV sezine baratyn delegattar anyqtaldy. Názıra JÁRIMBETOVA. Qostanaı.