Baǵyt aıqyn, maqsat bir

Oblys ortalyǵynda «Nur Otan» HDP oblystyq fılıaly saıası keńesiniń keńeıtilgen otyrysy bolyp ótti. Bul jıylysqa «Qazaqstan halyq banki» AQ-tyń dırektorlar keńesiniń tóraǵasy Aleksandr Pavlov qatysty. Májilis depýtattarynyń kezekten tys jáne máslıhattardyń saılaýlaryn kóshbasshy partııa retinde «Nur Otan» da birden nazar aýdaryp, aldaǵy naýqanǵa to­lyq­taı daıyn ekenin málim etti. Maqsat – «Nur Otan» partııa­sy­nyń ádil jáne taza jeńisin qamtamasyz etý. Keńeıtilgen otyrysta sóz al­ǵan oblys ákimi, «Nur Otan» HDP oblystyq fılıalynyń tóraǵasy Baqytjan Saǵyntaev Parlament Májilisiniń kezekten tys jáne máslıhattar depýtattarynyń saı­laý­lary mańyzdy saıası shara ekenin aıta kelip, eldegi eń yqpaldy saıası kúsh – «Nur Otan» HDP-nyń saılaýaldy tuǵyrnamasyna jan-jaqty toqtalyp ótti. Bul joba 9 baǵyttan turady. Al tuǵyrnamadaǵy basym baǵyttardyń biri – ındýstrııalyq-ınnovasııalyq damý baǵdarla­ma­syn­daǵy iske asyrylýy qolǵa alynǵan mindetter men tapsyr­malar bolyp tabylady. Qalalar­daǵy turǵyn úı-kommýnaldyq sharýashylyq júıesinde aýqymdy ister bastaldy. Oblystyń aýyl­darynda turǵyn úıler boı kó­te­rýde. Tuǵyrnamany talqylaýǵa qa­tys­qan partııanyń jergilikti fı­lıaly tóraǵasynyń orynbasary Aıgúl Nurkına, partııa saıası keńesiniń múshesi, rektor Erlan Aryn jáne basqalary saılaýaldy tuǵyrnama týraly óz oılaryn ortaǵa salyp, ony el damýyna qyz­met etetin baǵdarlamalyq ma­ńyzǵa ıe qujat retinde baǵalady. Jıynda 25 qarashada Astanada ótetin «Nur Otan» HDP-nyń kezekten tys XIV sezine óńirdiń qoǵamdyq-saıası ómirine belsene qatysyp júrgen biraqtar partııa músheleri delegat bolyp saılandy. Farıda BYQAI. Pavlodar.