Kezdesý barysynda Qaırat Ábdirahmanov Memleket basshysyna Syrtqy ister mınıstrliginiń qazirgi qyzmeti, sondaı-aq aldaǵy kezeńge arnalǵan josparlary jóninde málimdedi.
Elbasy Azııadaǵy ózara is-qımyl jáne senim sharalary keńesi men Kaspıı mańy memleketteri basshylarynyń sammıtine daıyndyq barysyndaǵy uıymdastyrýshylyq jáne mazmundyq máselelerge basa nazar aýdardy.
Nursultan Nazarbaev Úkimettiń keńeıtilgen otyrysynda berilgen tapsyrmalar turǵysynan alǵanda, syrtqy saıasat vedomstvosy ekonomıkamyzdyń basty salalaryna sheteldik ınvestısııa tartý úderisinde erekshe ról atqaratynyn atap ótti.
Qazaqstan Prezıdenti kezdesý sońynda birqatar naqty tapsyrma berdi.