Qyrǵyzstan prezıdenti Qamchybek Tashıevti qyzmetinen bosatý týraly sheshim qabyldamas buryn, oǵan qońyraý shalyp, jaǵdaıdy túsindirgen. Sheshimdi sodan keıin ǵana qabyldaǵan. Sadyr Japarov bul týraly «Kabar» agenttigine bergen suhbatynda aıtty, dep habarlaıdy Egemen.kz.
Prezıdenttiń aıtýynsha, bul shuǵyl sheshim dosyn qorǵaý úshin qabyldanǵan.
«О́ıtkeni onyń qasyndaǵy «aqsaqaldar» men «kóksaqaldar» báribir týra joldan taıdyrýǵa tyrysatyn edi», dedi Sadyr Japarov.
Qamchybek Tashıevtiń atyn jamylǵan top parlament depýtattaryn, memlekettik qyzmetkerlerdi jáne qoǵamda tanymal adamdardy «generaldyń jaǵyna ótińizder» dep úgitteı bastaǵan.
Memleket basshysy Qyrǵyzstan Prezıdentimen telefon arqyly sóılesti
«Eger men ony qyzmetinen bosatpasam, olardyń áreketteri kúsheıip, memlekettik apparat pen qoǵam arasynda bólinýler týyndaýy múmkin edi. Sondyqtan men dosymdy qyzmetten bosatýǵa májbúr boldym. Men úshin eń bastysy − eldegi turaqtylyq», dedi Qyrǵyzstan prezıdenti.
Qamchybek Tashıev: Qyzmetten bosatylý men úshin kútpegen sheshim boldy