Florıda shtatynyń Parklend qalasyndaǵy joǵarǵy mektepterdiń birinde bolǵan atystan kem degende 17 adam qaza tapty, dep habarlaıdy BBC aqparattyq agenttigi.
Jergilikti polısııasy bul qandy oqıǵaǵa buryn osy mektepte oqyp, alaıda belgili sebepterge baılanysty oqýdan shyǵarylǵan 19 jastaǵy Nıkolas Krýz kináli dep tanyp otyr. Atys kezinde mektep oqýshylary polısııa qyzmetkerleri kelgende ár jerge tyǵylýǵa májbúr bolǵan.
Bundaı mektep oqýshylarynyń ómirin qıǵan qaıǵyly oqıǵa 2012 jyly Konnektıkýt shtatynyń jergilikti mektebinde bolǵan. Oqıǵa kezinde 26 adam qaza tapqan bolatyn.
Broýard okrýgi polısııasynyń basshysy Skott Izraıl jýrnalısterge Krýzdyń úsh adamdy mektep syrtynda atyp, sodan soń mektepke kirmes buryn 12 adamdy atyp tastaǵanyn habarlady. Zardap shekken 2 adam aýrýhanada kóz jumdy. Keıinirek ol «bul óte qıyn jaǵdaı, tipti aıtarǵa sózim joq», - dep óziniń áleýmettik jelisinde jazdy.
Broýard okrýgi aýrýhanasynyń dárigeri Evan Boıardyń aıtýynsha barlyǵy 17 adam aýrýhanaǵa jetkizilgen. Onyń ishinde aıyptalýshy Nıkolas Krýz bolǵan. 3 adamnyń jaǵdaıy óte aýyr, al 3 adamnyń jaǵdaıy óte qaýipti.
Qazir oqıǵanyń mán jaıy anyqtalyp jatyr.