Búgin Úkimet úıinde Qazaqstan Respýblıkasy Premer-Mınıstri Baqytjan Saǵyntaevtyń tóraǵalyǵymen «Kazakh Invest» Ulttyq kompanııasy» AQ Dırektorlar keńesiniń otyrysy ótti, dep habarlaıdy primeminister.kz.
Otyrys barysynda «Kazakh Invest» UK» AQ-nyń 2018 jylǵa arnalǵan jumys jospary qaraldy, sondaı-aq «Ulttyq ınvestısııalyq strategııa» baǵdarlamasy aıasynda ınvestorlardy tartý boıynsha kompanııanyń qyzmetin jetildirý máseleleri talqylandy.
Memleket basshysynyń AQSh, BAÁ, Japonııa, Ońtústik Koreıa, Qytaı, Túrkııa jáne basqa elderge saparlarynyń qorytyndysy boıynsha qol jetkizilgen kelisimderdi iske asyrýǵa basymdyq beriledi.
Osy maqsatta «Kazakh Invest» UK» AQ Kompanııanyń bes basymdyqty elde qatysýyn kúsheıtedi: AQSh, Qytaı, Germanııa, Fransııa jáne Túrkııa, onda shetel ınvestısııalaryn tartýda kópjyldyq tájirıbesi jáne baratyn elderdegi bıznes qaýymdastyqtarmen tyǵyz baılanystary bar ataqty bıznesmender jumysqa tartylǵan.
Sonymen qatar, Qazaqstannyń ınvestısııalyq ahýalyn odan ári jaqsartý úshin eldiń ınvestısııalyq ahýalyna qanaǵattaný deńgeıine monıtorıng júrgizý jáne ony jetildirý boıynsha usynystar jasaý júıesi qalyptastyryldy.
Budan ózge, otyrysqa qatysýshylar uıymdastyrýshylyq sıpattaǵy birqatar máselelerdi talqylady. Kompanııa qurylymyn ońtaılandyrý týraly sheshim qabyldandy – basqarýshy quramnyń sany 2 eseden asa qysqardy, departamentterdiń sany 2 esege azaıdy, «Kazakh Invest» UK» AQ shtatynyń jalpy sany 10%-ǵa azaıdy.