Ortalyq kommýnıkasııalar qyzmeti alańynda Qazaqstandaǵy áıelder kásipkerliginiń damýyna arnalǵan máslıhat ótti. Sharaǵa «Atameken» UKP Isker áıelder keńesiniń tóraıymy Lazzat Ramazanova, Jambyl oblysy óńirlik Isker áıelder keńesiniń tóraıymy Aıgúl Aqshalova, Atyraý oblysy óńirlik Isker áıelder keńesiniń tóraıymy Álııa Bekqojıeva, Isker áıelder keńesiniń múshesi Gúlmıra Shajanbaeva qatysyp, oılarymen bólisti.
Jıyn barysynda «Atameken» UKP Isker áıelder keńesiniń tóraıymy Lázzat Ramazanova názik jandylardyń kásibin qoldaýda túrli sharalar atqarylyp jatqanyn tilge tıek etti. Al, Atyraý oblysy óńirlik Isker áıelder keńesiniń tóraıymy Álııa Bekqojıeva áıelder qaýymy ár salady qyzmet etip júrgenin aıtty.
«Keshegi áıel kásipker búgingi úlken zaýyttyń nemese óndiristiń basshysy. Toqsanynshy jyldary toqyraý bastalǵanda árbir áıel, árbir ana balasyn baǵý úshin, otbasynyń bereketin saqtap qalý úshin, ala dorbasyn alyp jolǵa da shyqty, basqa da qyzmetter istedi biz ony bilemiz. Atyraý oblysynda jańa farmasevtıkalyq zaýyt salynyp jatyr. Ony da bastaǵan áıel. Qazirgi ýaqytta názik jandylarymyzdy qurylystan da kezdestirýge bolady. Balyq óndirisinde de júr. Buryn balyq aýlaýǵa tek azamattarymyz shyǵýshy edi. Búgingi kúni ol kásipti de áıelder dóńgeletip otyr. Onyń ózi bizdiń áriptesterimizdiń, qyz-kelinshekterimizdiń deńgeıiniń kóterilgendigi dep aıtýǵa bolady», dep atap ótti Atyraý oblysy óńirlik Isker áıelder keńesiniń tóraıymy Álııa Bekqojıeva.
Raýan QAIDAR,
«Egemen Qazaqstan»