Soltústik Koreıanyń Phenchhan qalasynda ótken HII paralımpıada oıyndaryna qatysqan sportshylar men jattyqtyrýshylardy aımaq basshysy Qumar Aqsaqalov arnaıy qabyldap, qurmet kórsetti.
Jerlesterimizdiń arasynda Aleksandr Gerlıs eń joǵary nátıje kórsetti. Ol 20 shaqyrymdyq shańǵy jarysynda tórtinshi, estafetada altynshy oryndy ıelendi. Qaırat Qanafın men Sergeı Ýsolsev úzdik jıyrma sportshynyń qataryna enip, kórsetkishterin birshama jańartty.
«Soltústikqazaqstandyq múgedek sportshylar túrli halyqaralyq jarystarda el namysyn joǵary ustap, laıyqty qorǵap keledi. Biz olardy árkez maqtan tutamyz», dedi Qumar Irgebaıuly.
Aleksandr Gerlıske qurmet gramota men bir mıllıon teńge, ózge sportshylarǵa jarty mıllıon teńge syıaqy tabys etildi. Bapkerler de aqshalaı syılyqtarǵa ıe boldy.
О́mir ESQALI, «Egemen Qazaqstan»