Ortalyq kommýnıkasııalar qyzmetinde QR transporttyq-logıstıkalyq ınfraqurylymyn qoldanýdyń tıimdiligin arttyrý týraly baspasóz konferensııasy ótti.
Qatysýshylar tranzıttik tasymaldyń damýyndaǵy kedergiler men perspektıvalary, sonymen qatar logıstıka salasynda jańa tehnologııalardy paıdalaný jaıynda sóz qozǵady. Sarapshylyq kezdesýdiń moderatory, qoǵam qaıratkeri Murat Ábenov aıtqandaı, 2013 jyly Qytaıdyń bastamasymen bastalǵan «Jibek joly ekonomıkalyq beldeýi» «Nurly jol» memlekettik baǵdarlamasy boıynsha ınterfeısi Qazaqstannyń aýmaǵy arqyly tranzıttik trafıktiń ósý strategııasyn júzege asyrýda jáne qosymsha sınergııany qamtamasyz etti.
О́z kezeginde, «Trans-LOGISTICS Qazaqstan» transporttyq iskerı jýrnalynyń bas-redaktory Janna Isıngarına kólik sektorynda qazaqstandyq iskerı seriktesterge de, jurtshylyqqa da keń aýqymdy ózgeristerdi jetkizý óte mańyzdy ekenin atap ótti. «Jáne bul Qazaqstannyń kóliktik-logıstıkalyq keshenin aqparattyq súıemeldeýge mamandandyrylǵan «TLK Media» kommýnıkasııalyq kompanııasynyń alǵa qoıǵan mindeti», dep atap ótti ol.
«Qazaqstan Temir joly» ulttyq kompanııasy» AQ-nyń vıse-prezıdenti Sanjar Elýbaev sońǵy jyldary kóliktik-logıstıkalyq aktıvterdi jańartýǵa aýqymdy ınvestısııalar jiberilgenin jetkizdi.
«Mysaly, 2 500 jańa temirjol jelisi salyndy, jyljymaly quram, termınal jáne port ınfraqurylymdary jańartyldy. Kaspıı arqyly mýltımodaldy tasymaldaýlardyń joǵary áleýetin júzege asyrý úshin Aqtaý jáne Quryq porttary damyp keledi, júk aǵynyn shoǵyrlandyrý úshin negizgi túıinderde kólik jáne logıstıkalyq ortalyqtar jelisi qurylýda», dedi ol.
Qazaqstannyń «KAZLOGISTICS» Kólik qyzmetkerleri Odaǵynyń bas dırektory Qanat Álmaǵambetov kóliktik qyzmet kórsetetin kásipkerlerdiń problemalyq máselelerin sheshýdiń oń úrdisi bar dedi.
«О́tken jyly «Atameken» UKP» men «QTJ» UK» AQ birge kóliktik-logıstıkalyq salany damytý úshin Jol kartasynyń sheńberinde kedergilerdi anyqtaý jáne joıý boıynsha jumystar júrgizdi. Atap aıtqanda, qazaqstandyq vagondardy paıdalanýdyń úlesin otandyq taýarlardy tasymaldaý úshin 90 paıyzǵa deıin arttyrý jóninde sharalar qabyldandy», dedi «KAZLOGISTICS» Kólik qyzmetkerleri Odaǵynyń bas dırektory.
Raýan QAIDAR, «Egemen Qazaqstan»