Parlament Senaty Áleýmettik-mádenı damý jáne ǵylym komıtetiniń keńeıtilgen otyrysynda «Qazaqstan Respýblıkasynyń keıbir zańnamalyq aktilerine halyqtyń jumyspen qamtylýy jáne kóshi-qony máseleleri boıynsha ózgerister men tolyqtyrýlar engizý týraly» zań jobasy qaraldy. Bul týraly palatanyń baspasóz qyzmeti habarlady.
Zań jobasy Memleket basshysynyń 2018 jylǵy 10 qańtardaǵy «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» jáne 2017 jylǵy 31 qańtardaǵy «Qazaqstannyń úshinshi jańǵyrýy: jahandyq básekege qabilettilik» halyqqa Joldaýlarynda aıtylǵan tapsyrmalardy oryndaý maqsatynda ázirlengen bolatyn.
Zań jobasynyń maqsattary: halyqty jumyspen qamtýdyń memlekettik qoldaý tetikterin jetildirý;
Halyqty jumyspen qamtý ortalyqtaryn reformalaý jáne elektrondyq eńbek bırjasynyń biryńǵaı onlaın-tuǵyrnamasyn qurý;
Halyqtyń kóshi-qony salasyndaǵy memlekettik organdardyń mindetterin bólý bolyp tabylady.
Zań jobasymen birqatar zańnamalyq aktilerge túzetýler engiziletin bolady.
Bıýdjet kodeksine respýblıkalyq bıýdjet týraly zań jobasyna kezekti qarjy jylyna jasyna jáne eńbek sińirgen jyldaryna baılanysty zeınetaqy tólemderin kóterý mólsheri týraly erejeni mindetti túrde engizýdi kózdeıtin tolyqtyrý engiziledi.
Ákimshilik quqyq buzýshylyq týraly kodeksten kásibı daıarlyqtan, qaıta daıarlyqtan jáne óndiristik ishki oqýdan ótkender sany týraly halyqty jumyspen qamtý máseleleri jónindegi málimetterdi ýákiletti organǵa berý jónindegi mindettemeni oryndamaǵany úshin jumys berýshilerge jaýaptylyqty kózdeıtin ereje alynyp tastalady.
Eńbek kodeksine medısına salasy qyzmetkerlerine qosalqy jumysqa tyıym salmaýdy; jumysshy zeınet jasyna jetkennen keıin jumys berýshiniń eńbek qatynastaryn toqtatatyny týraly habardar etýdi; aýysym sońynda jumysshynyń kýálandyrýdan ótýi týraly mindettemesin alyp tastaýdy; jańa ujymdyq shart jasasqanǵa deıin ujymdyq shartty uzartý arqyly qoldanystaǵy tájirıbeni jaqsartýdy kózdeıtin túzetý engiziletin bolady.
«Qazaqstan Respýblıkasynyń azamattyǵy týraly» zańdaǵy ózgerister «azamattyqtan aıyrylý» jáne «azamattyqty joǵaltý» sózderiniń aýystyrylýyna baılanysty bolyp otyr.
Zań jobasy Palatanyń qaraýyna jiberildi.