Astanany azyq-túlikpen qamtý isi sóz boldy

Sharany Senattyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń tóraǵasy Jeńis Nurǵalıev ashty. Ol Memleket basshysynyń 2017 jyly sáýirde bergen tapsyrmasyna sáıkes, Astanany otandyq negizgi óndiris taýarlarymen qamtamasyz etý jáne azyq-túlik taýarlaryn basqa aımaqtardan turaqty jetkizý maqsatyn­da eli­mizdiń Úkimeti «2017-2018 jyl­darǵa arnalǵan Astana qala­synda azyq-túlik beldeýin qalyptastyrý jónindegi jol kartasyn» bekitkenin eske saldy.  

Dóńgelek ústel barysynda Aýyl sharýashylyǵy mı­nıstriniń orynbasary Rústem Qurmanov, Astana qalasy áki­min­iń orynbasary Malıka Bek­turova, Aqmola oblysy ákiminiń orynbasary Asqarbek Úısimbaev, Qaraǵandy oblysy aýyl sharýashylyǵy basqarmasy jetekshisiniń orynbasary Syrym Boshpanov, «Atameken» ulttyq kásipkerler palatasyndaǵy Agroónerkásip jáne azyq-túlik ónerkásibi departamentiniń dırektory Erbol Eseneev, Kartop jáne kókónis ósirýshiler odaǵy­nyń prezıdenti Qaırat Bısetaev, Qus ósirýshiler odaǵynyń prezıdenti Rýslan Sháripov sóz sóıledi. 

Dóńgelek ústel otyrysynda elordaǵa azyq-túlikti úzdiksiz jetkizýge arnalǵan jaǵdaıdy qamtamasyz etýdiń ózekti máse­leleri kóterildi.  Baıandamashylar agrarlyq sala óndirisiniń oń qarqynyn atap ótip, ónim jetkizýshilerdiń Astana bazarlaryna kirýine, kom­mýnal­dyq bazarlar men saqtaý qoı­malarynyń jumysyna baı­lanys­ty birqatar máselelerdi sheshý qajettigine nazar aýdardy. Bólshek saýdanyń eleýli bóligin ıemdenip ketetin deldaldardyń áreketi ónim óndirýshilerdi erekshe alańdatyp otyr. Azyq-túlik ónimderin óndiristen tutynýshyǵa deıin jetkizýdiń ońtaıly joldary aýyl sharýashylyǵy kásip­oryn­darynyń jumysy úshin jaǵ­daı jasaı otyryp, otandyq kom­pa­nııalardyń álemdik naryq­tarǵa shyǵýyna múmkindik týǵyzýy tıis. 

Sharany qorytyndylaǵan J.Nurǵalıev salalyq mınıstr­likter men ákimdikterdi jaǵdaıdy turaqty nazarda ustaı otyryp, týyndaıtyn ózekti máselelerge oraı ýaqytynda ári tıimdi áreket etý úshin sala ahýalyna monıtorıng júrgizýge shaqyrdy.