Pavlodar oblysyndaǵy Maı aýdanynda bolǵan senator Manap Kóbenov elimizdiń ońtústik ólkelerinen kelgen jas mamandarmen kezdesip, olardyń turǵyn jaǵdaılary jáne eńbekaqy mólsheri jaıynda áńgime órbitti. «Jergilikti bılik jumys jáne turǵyn jaıǵa baılanysty barlyq jaǵdaıdy jasady, biz turǵyn úıge qatysty jasalǵan jaǵdaıǵa rızamyz, bizge qonys aýdarýǵa baılanysty sýbsıdııany mezgilinde tóledi.
Jas mamandarǵa, kóship kelýshilerge arnalǵan birneshe memlekettik baǵdarlamalar bolǵany kóńilge qýanysh uıalatady. Memleket basshysynyń taıaýdaǵy bes áleýmettik bastamasynda naqty tapsyrmalar berildi, elimizde jyl ótken saıyn ómir deńgeıi jaqsaryp keledi», - dedi aýdan turǵyny Nurdana Saýatbek.
Elbasy N.Nazarbaevtyń bes áleýmettik bastamasyn jurtshylyqqa túsindirý aıasynda depýtat aýdan aktıvimen kezdesýde bilim berý, turǵyn úı qurylysy, nesıe jáne ıpotekalyq qaryz berý, salyq aýyrtpalyǵyn tómendetý máselelerin talqylady.
Parlament Senatynyń depýtaty M.Kóbenov sapar barysynda kúrdeli jóndeýden ótken Mádenıet úıi men 2017 jyly jeltoqsanda paıdalanýǵa berilgen 16 páterlik turǵyn úıdi kórdi.
Maı aýdanynyń turǵyndary Prezıdent úndeýine tolyqtaı qoldaý bildirdi, al memlekettik organdar búgingi tańda Elbasynyń aýqymdy áleýmettik bastamalaryn iske asyrýǵa ázir.