Jeksenbi kúni premer-lıga komandalary Qazaqstan chempıonatynyń kezekti týryn ótkizdi. Ár oıynǵa shaqqanda ortasha eseppen 2 goldan soǵylǵan eken! Birinshi týrda 14, ekinshi týrda 12 gol soǵylǵan edi. Al bul týrda 11 dop qaqpa tórinen tabyldy.
Úshinshi týrdaǵy aıshyqty jeńis Astanada tirkeldi. Byltyrǵy el chempıony – «Astana» óz alańynda «Qaısar» komandasyn qabyldap, Tvýması men Murtazaevtyń goly arqasynda jeńiske jetti. Sóıtip týrnır kestesinde 9 upaımen kósh bastap tur. «Astananyń» izin ala Shymkenttiń «Ordabasy» komandasy keledi. О́tken týrda «Ordabasy» Atyraýǵa qonaqqa baryp, 1:0 esebimen jergilikti klýbtan basym tústi. Shymkenttiń komandasynda da 9 upaı bar, biraq soǵylǵan goldyń «Astanadan» kemdigine baılanysty kestede ekinshi orynda tur.
Bul týrdyń sensasııalyq oıyny birinshi týrda jeńilip, ekinshi týrda teń oınaǵan «Aqjaıyq» pen əli jeńilistiń ashy dəmin tatpaǵan «Ertis» arasynda ótken bolatyn. Tartysty matchta oıyn taǵdyryn jalǵyz gol sheship, «Aqjaıyq» týrnır kestesindegi jaǵdaıyn birshama jaqsartyp aldy. Chempıonat bastalǵaly jeńilip kórmegen «Qaırat» bul týrda «Aqtóbemen» 1:1 esebimen teń oınap, eki upaıdan aıyryldy. Əzirge Almatynyń komandasy úshinshi orynda keledi.
Kósh sońynda kele jatqan «Qyzyljar» óz alańynda 1:2 esebimen «Tobyldan» jeńilse, «Jetisý» Astanada «Shahtermen» teń oınady. Esep – 1:1.
Úshinshi týrdyń oıyndary mynadaı nətıjelermen aıaqtaldy:
«Aqtóbe – «Qaırat» 1:1 (1:1), Bato Sheldon, 11 (óz qaqpasyna) (1:0), Isael Da Sılva Barbosa, 18 (1:1). «Aqjaıyq» – «Ertis» 1:0 (0:0), Ivan Antıpov, 81 (1:0). «Astana» – «Qaısar» 2:0 (2:0), Patrık Tvýması, 9 (1:0), Roman Murtazaev 15 (2:0). «Atyraý» – «Ordabasy» 0:1 (0:0), Abdýllaı Dıakate penaltıden 71 (0:1). «Shahter» – «Jetisý» 1:1 (1:0), Sergeı Shaff, 45 (1:0), Oleg Hromsov, 80 (1:1). «Qyzyljar» – «Tobyl» 1:2 (1:0), Tımýr Mýldınov, 23 (1:0), Tańat Nóserbaev, 53 (1:1), Maksım Fedın, 79 (1:2).
Úshinshi týrdyń qysqasha statıstıkalyq nátıjeleri mynadaı:
Úshinshi týrdyń alty oıynyn tamashalaýǵa – 14 900 kórermen keldi. Ekinshi týrda 20 900 jankúıer kelgen-di. Eń kóp jankúıer «Qyzyljar»- «Tobyl» matchynda jınaldy.
6 000 jankúıer. Al eń az jankúıer «Shahter» – «Jetisý» oıynyna keldi. 700 adam.
Úshinshi týrdyń alty oıynynda – 11 gol soǵyldy. Eń kóp gol «Qyzyljar» – «Tobyl» matchynda soǵyldy. 3 gol. Eń az gol «Atyraý» – «Ordabasy» jáne «Aqjaıyq» – «Ertis» oıynynda soǵyldy. 1 gol. Eki matchta teń esep tirkelip, ekeýi de 1:1 esebimen aıaqtaldy.
Úshinshi týrdyń alty oıynynda fýtbolshylarǵa – 19 sary qaǵaz kórsetildi. Eń kóp sary qaǵazdy – «Ordabasy», «Qaırat» jáne «Qaısar» komandasynyń fýtbolshylary aldy. Ár komandaǵa 3 eskertý jasaldy.
Úshinshi týrdan keıin – bes fýtbolshy 2 golmen mergender kóshin bastady. Olar: Abdýllaı Dıakate («Ordabasy»), Isael Da Sılva Barbosa («Qaırat»), Aslanbek Kákimov («Aqtóbe») jáne Tımýr Mýldınov («Qyzyljar»).
Səýirdiń 16-sy kúni ótetin tórtinshi týrda myna komandalar ózara oınaıdy: «Jetisý» – «Qaısar», «Ertis» – «Astana», «Qaırat» – «Aqjaıyq», «Ordabasy» – «Aqtóbe», «Tobyl» – «Atyraý», «Shahter» – «Qyzyljar».
Álı BITО́RE, «Egemen Qazaqstan»