Elbasynyń Jarlyǵymen Darhan Káletaev Qazaqstan Respýblıkasynyń Din isteri jáne azamattyq qoǵam mınıstri bolyp taǵaıyndaldy, dep habarlaıdy Aqordanyń baspasóz qyzmeti.
"Darhan Amanuly Káletaev Qazaqstan Respýblıkasynyń Din isteri jáne azamattyq qoǵam mınıstri bolyp taǵaıyndalsyn",- delingen Qazaqstan Prezıdenti Jarlyǵynda. Sondaı-aq, Memleket basshysynyń basqa Jarlyǵymen basqa jumysqa aýysýyna baılanysty Qazaqstan Respýblıkasy Parlamenti Senatynyń depýtaty Darhan Amanuly Káletaevtyń ókilettigi toqtatyldy. Darhan Kaletaev 1972 jylǵy 10 qazanda týǵan, qazaq, bilimi joǵary.
Shyǵys Qazaqstan memlekettik ýnıversıtetin, Ulttyq Joǵary Memlekettik basqarý mektebin bitirgen. Mamandyǵy boıynsha tarıhshy-oqytýshy, memlekettik basqarýdyń menedjeri. Saıasattaný ǵylymdarynyń doktory. «Qurmet», «Parasat» ordenderimen jáne merekelik medaldarmen marapattalǵan. Prezıdent Ákimshiligi Basshysynyń orynbasary, «Nur Otan» Halyqtyq-demokratııalyq partııasy Tóraǵasynyń birinshi orynbasary, «Samuryq-Qazyna» ulttyq ál-aýqat qory» AQ-nyń basqarýshy dırektory bolyp qyzmetterin atqarǵan. Buǵan deıin Qazaqstan Respýblıkasy Prezıdentiniń Jarlyǵymen Parlament Senatynyń depýtaty bolyp taǵaıyndalǵan bolatyn.