Kolonııaǵa jańa kózqaras qajet

Bul túzeý mekemesi – aýma­ǵyn­da bala­lar úıi ornalasqan Qazaq­stan­daǵy qyl­mystyq-atqarý júıe­sindegi jal­ǵyz mekeme bolyp tabylady. Bas bos­ta­n­dyǵynan aıy­rý oryndarynda jas balalardyń bolýy búginde qoǵam­dyq pikir­talastyń taqyryby bolyp otyr. Atalǵan sapar osy jaıt­qa qa­tysty máselelerdi zerdeleý maq­­sat­ynda uıymdastyryldy. Bul oraı­­da balalar úıin túrme aýmaǵy­nan shyǵarý, sondaı-aq júkti áıel­der­ge jáne kishkentaı balalary bar áıel­derge jazasyn keıinge shegerýdi qam­ta­ma­syz etý jóninde usynystar berildi.

Mekemedegi sottalǵan analarmen jáne ákimshilik qyzmetkerlerimen ótkizilgen áńgimelesýler ananyń balasynan ajyraýy birjolata teris saldarǵa ákelýi múmkin degen kózqarasty rastady. Sebebi tabıǵı jáne qajetti turaqty baılanys anaǵa jan-jaqty oń áserin tıgizedi jáne balanyń tolyqqandy damýy úshin qajetti alǵysharttar jasaıdy.

Bostandyǵynan aıyrylǵan áıel­diń ótinishi týraly BUU-nyń jalpy­ǵa birdeı tanylǵan standarttaryna sáıkes (N.Mandelanyń erejesi jáne Bangkoktik ereje) balany túrmede ata-anasynyń birimen birge qaldyrý týraly sheshim balanyń múddelerine negizdelýi tıis.

Shetelderdiń tıisti tájirıbesin taldaý nátıjesi bas bostandyǵynan aıyrý oryndarynda ana men per­zentiniń qarym-qatynasyn bala bel­gi­li bir jasqa tolǵanǵa deıin olar­dyń birlese ómir súrýin qamtamasyz etý qajettigin kórsetedi. Sondaı-aq bul turǵyda balanyń jalpy damýyna jáne onyń áleýmettenýine qatysty birqatar máselelerdi, atap aıtqanda ákesi men basqa jaqyn týystaryna balany anasynyń kelisimimen mekemeden belgili bir merzimge alyp turý quqyǵyn berý máselelerin qarastyrý jón ekendigi aıtylýda.

Júkti áıelder men kishkentaı balalary bar áıelderge jazasyn óteýin shegerýdi qoldaný bóliginde, qolda bar mán-jaılardy jan-jaqty eskere otyryp, árbir jaǵ­daıǵa baılanysty jeke kóz­qaras qajet. Al Qylmystyq kodekstiń 74-babyna sáıkes, qoldanystaǵy halyqaralyq táji­rı­bege uqsas, bul sharalar sot­tal­ǵan­darǵa aýyr nemese asa aýyr qyl­mystar úshin qol­danylmaıdy.

Joǵaryda aıtylǵan máseleler negi­zinde ýákiletti memlekettik organ­­darǵa jiberiletin birqatar usy­nystar ázirlendi.