Qarabutanyń balalary aıryqsha oıynshyqpen oınaıdy

Mysaly, Maıgúl Sultannyń «Oıynshyq­qa da oıly kózqaras kerek» (№26, 7 aqpan, 2018 jyl) degen maqalasy talaıymyzdyń kókeıimizdegi oıdy dóp basty. Avtor aıtýly másele­niń qaltarys-bultarysyna úńile otyryp jazǵan tolǵa­ny­syna biz de óz únimizdi qos­saq dep bekindik. Urpaq tár­bıesinde oıynshyqtar­dyń qanshalyqty ról atqaraty­nyn jýrnalıst ma­ıyn tamyza jazypty. Osy oraıda maqalada kóterilgen ulttyq oıynshyq­tar bizdiń aýylymyzda da bar ekenin maqtanyshpen jetkizbekke qolǵa qalam aldyq.

О́tken jyldyń kúzinde Shyǵys Qazaqstandaǵy Ma­qan­shy óńiriniń Qarabuta aýy­lynda «Týǵan jerge týyńdy tik» atty jerles­ter forýmy ótken bolatyn. Ondaǵy maqsat alys­ta júr­gen aýyldastar­dyń tý­ǵan óńirlerimen baı­lanysyn nyǵaı­typ, eljandy azamattardy aýyl­dyń kórkeıýine úles qosýǵa shaqyrý edi. Alysta júrgen aýyl­dastar­dyń týǵan topyraqta meshit salyp, saıabaqtardy jóndep, eńbek ardagerleri men analar qurmetine eskertkishter or­natý sııaqty úrdisi buryn­nan ­bar bolatyn. Bul joly da jo­mart jerlesterimiz «Aýyldyń áleýmettik-ekono­mıkalyq damýyna qolyńnan kelgenshe qoldaý jasa» degen úndeýin jerge qaldyrǵan joq. Sóıtip aýyldaǵy «Nur shýaq» balabaqshasy erekshe úlgidegi ulttyq oıynshyqtarmen qam­tylyp, emhanaǵa teledıdar jetkizildi.

Qarabuta aýylynyń qara­do­­malaqtaryna Sovet Shó­shekov pen Serik Isa esimdi kásip­kerler syı­laǵan zamanaýı úlgi­degi ulttyq oıyn­shyq­tar ma­qalada aıtylǵan «Jeti óner.kz» kompanııasynyń ónim­­deri eken. «Keremet úı», «Kere­met dombyra», «Maǵynaly oıýlar» dep atalatyn toptamalar tek oıyn quraly ǵana emes, bala sanasyn ulttyq baǵytta damytyp, baýyr­maldyqqa baýlıtyn tárbıe quraly ekenine kózimiz jetip otyr. Oıynshyqtardyń ár­qaı­­sy­sy­nyń jeke nusqaý­lyq kitapsha­lary bar. On­daǵy taqpaq túrinde beril­gen oıynshyqtardy qurastyrý barysy men ataýlar balanyń tilin damytyp, oıyn ushqyr­laýǵa sep­tigin tıgizedi. Oıyn­shyqtardyń taǵy bir ar­tyq­­shylyǵy – ony bir nemese birneshe bala birlese quras­­ty­rýy­na bolady. Bul bal­dyrǵandar­­dyń bir-birine degen baýyrmashyldy­­­ǵyn arttyra túsýde. Mysaly, «Kere­met úıdiń» 6 kerege, 20 ýyǵynan ózge úı ishine qoıy­latyn qaıqybas aǵash tósek, júkaıaq, besik, syrmaq sııaq­ty ult­tyq buıymdary da bar. Sábı oıyn­shyq­tardy quras­tyra júrip-aq sanasynda ult­tyq órnekterdiń, sol tóńi­rekte tárbıeshi men ájesi aıt­qan áńgimelerdi tez ári tereń qabyldaıtyny anyq.

Medet KEŃESOV

Shyǵys Qazaqstan oblysy,

Úrjar aýdany,

Qarabuta aýyldyq okrýgi