Negizinen Jambyl oblysy ındýstrııalyq aımaq qurýǵa qolaıly óńir. Elimizdegi ındýstrııalandyrý baǵdarlamasy aıasynda aǵymdaǵy jyly oblys aýmaǵynan 4 ındýstrııalyq aımaq qurý josparlanyp otyr.
Sondyqtan da ındýstrııalyq aımaq qurýǵa jaýapty mekemeler áýeli aımaqtarǵa kásipkerlerdi tartý, kásipkerlerdiń suranysqa ıe ónim túrlerin shyǵarý múmkindikterin zerdeleý, sondaı-aq olardy qurýdyń qarjylandyrý tetigin qarastyrý jumystaryn uıymdastyrýy qajet. Búgingi tańda óńirde ındýstrııalyq jáne agrarly-ındýstrııalyq aımaqtar qurý asa mańyzdy bolyp otyr.
Qazirde atalǵan másele boıynsha óńirdiń árbir aýdandary men oblys ortalyǵynda jer telimderin bólý jumystary bastaldy. Máselen, Taraz qalasynyń turǵyndary úshin bir kezde «Promzona» atalyp ketken aýdannan ındýstrııalyq aımaq qurý úshin 68 gektar jer bólingen. Alaıda olardyń teń jartysy kezinde jekemenshikke ótip ketken eken. Biraq jer ıeleriniń keıbiri óz úlesterin memleketke satýǵa kelisim berse, endi biri ony jeke matsatqa paıdalanýdy kózdep otyr. Deı turǵanmen qala ákimdigi búginde 38,8 gektar alqapqa 2,5 mıllıard teńgege ındýstrııalyq aımaq qurýdy josparlap otyrǵanyn jetkizdi. Kórsetilgen qarjynyń negizgi bóligine aımaqqa ınfraqurylym tartý josparlanǵan.
Búgingi tańda oblys ákimdigi tarapynan keleshekte ındýstrııalyq aımaqtardyń aýmaǵyn keńeıtý, óndiristik nysandardy damytý josparlary men salyq boıynsha bereshek qaryz kólemin naqtylaý, sondaı-aq Jambyl oblysynda suranysqa ıe kásip túrimen aınalysýǵa nıet etken ózge óńirlerdiń kásipkerlerine qoldaý bildirý jáne ındýstrııalyq aımaq kásipkerleriniń ónimderin suranysqa ıe etý, olarǵa túrli jeńildikter jasaý baǵytynda naqty jumystardy qolǵa alý tapsyrylyp otyr. Atalǵan tapsyrmalar men usynystar tolyqtaı oryndalǵan jaǵdaıda Áýlıeata óńiriniń ındýstrııalyq aımaq qurýdaǵy áleýeti aıryqsha kórinbek.
Sonymen qatar bul baǵyttaǵy jumystar oblys aýdandarynda da bastalyp ketti. Aıtalyq, Talas aýdanynda atalǵan maqsatqa 40 gektar jer bólinip, ondaǵy tıisti jumystardy júrgizýdiń jalpy quny 1 mıllıard 27 mıllıon teńgege baǵalanǵan. Aıta ketetin bir másele, Talas aýdanyndaǵy bólingen 40 gektar jerdiń 20 gektar jerine kásipkerler tarapynan búginde suranys túsip úlgeripti. Al Sarysý aýdany óńirdegi jer kólemi jóninen úlken aýdannyń biri. Sondyqtan osy aýdannan ındýstrııalyq aımaq qurý úshin 60 gektar jer bólingenmen, aýdan ortalyǵy Jańatas qalasynan shalǵaı ornalasqan jer telimderine ınfraqurylym tartý jumystary edáýir qarjyny qajet etedi. Sondyqtan da búgingi tańda aýdandaǵy ındýstrııalyq aımaq qurý máselesi úshin atalǵan maqsatqa arnalǵan jer Jańatas qalasy aýmaǵynan qarastyrylyp otyr.
Shý aýdany da óńirdegi áleýeti múmkindigi joǵary aýdannyń biri. Sondyqtan da aýdanda 25 gektar jerge ındýstrııalyq aımaq qurylatyn bolady. Sol sekildi Qordaı, Jambyl aýdandarynyń da bul turǵydan múmkindigi mol. Jalpy, ındýstrııalyq aımaq qurý máselesi búginde óńirde qarqyn alyp otyr. Árıne ındýstrııalyq aımaq qurý máselesinde oblystyń jer qoryn tıimdi paıdalaný máselesi alǵa shyǵady. Jambyl oblysynda jalpy jer kólemi 14 mıllıon gektarǵa jýyqtaıdy. Sondyqtan da búginde óńirde jer qoryn tıimdi paıdalaný arqyly ındýstrııalyq aımaqtar qurýǵa degen suranys joǵary.
Elbasy Nursultan Nazarbaev áleýmettiń áleýetin arttyrý úshin, ekonomıkanyń deńgeıin kóterý úshin óz joldaýlarynda túrli baǵdarlamalar arqyly jumys isteý qajettigin aıtyp keledi. Sondyqtan da búginde elimizde kásipkerlikti qoldaý máselesi keń óris alyp otyr. Endigi jerde ındýstrııalyq aımaq qurý kezinde kásipkerler suranysqa ıe ónim túrlerin shyǵaryp, ekonomıkanyń qaryshty damýyna jol ashsa, onda bul da maqsattyń oryndalyp, jobanyń júzege asqany.
Hamıt ESAMAN,
«Egemen Qazaqstan»
Jambyl oblysy