Fýtboldan Chempıondar lıgasynyń alǵashqy shırek fınaldyq oıyndary aıaqtaldy. Sársenbi kúni aǵylshyndyq eki komanda «Lıverpýl» men «Manchester Sıtı» jolyǵyp, alǵashqysy 3:0 esebimen jeńiske jetti.
«Enfıld» stadıonynda ótken oıynda «Lıverpýl» match taǵdyryn birinshi taımnyń ózinde-aq sheship qoıdy. 12-mınýtta Mohamed Salah esepti ashsa, segiz mınýttan soń Aleks Oksleıd-Chemberlen esepti 2:0-ge jetkizdi. Al kezdesýdiń 31-mınýtynda Sadıo Mane oıyndaǵy sońǵy goldy soǵyp, «Manchester Sıtıdi» iri eseppen jeńýine kómektesti.
Shırek fınaldyń ekinshi oıyny «Barselona» men «Roma» klýbtary arasynda ótti. Bul matchta «Barselona» ıtalııalyq komandany 4:1 esebimen jeńdi. Bir qyzyǵy, «Roma» klýbynyń eki oıynshysy – Danıele De Rossı (38-mınýt) men Kostas Manolas (55-mınýt) óz qaqpalaryna gol soǵyp aldy. Al «Roma» sapynan jalǵyz goldy 80-mınýtta Edın Djeko soqty. Alań ıeleriniń arasynan Jerar Pıke (59-mınýt) men Lýıs Sýares (87-mınýt) mergendigimen kózge tústi.
Gassıev-Ýsık jekpe-jegi Reseıde ótýi múmkinAýyr salmaqtaǵy reseılik boksshy, IBF/WBA nusqasy boıynsha álem chempıony Murat Gassıev (26-0, 19 KO) pen WBC/WBO belbeýiniń ıegeri ýkraınalyq Aleksandr Ýsık (14-0, 11 KO) arasyndaǵy Búkilálemdik boks serııasynyń (WBSS) fınaly Máskeýde ótýi múmkin.
Bul týraly reseılik boksshynyń keńesshisi Leo Horolınskıı málimdedi. «Jekpe-jekti Reseıde ótkizý úshin dál qazirgi ýaqytta Reseı boks federasııasy men WBSS-tiń resmı demeýshisi Comosa AG eki jaqty resmı kelissózder júrip jatyr. Comosa kompanııasy kezdesýdiń qaı jerde jáne qaı ýaqytta ótetinin anyqtaıdy. Menińshe Gassıev-Ýsık Reseıde ótkeni barlyq tarapqa da tıimdi bolady», deıdi Leo.
Olımpıadany ótkizýge 7 el úmittiHalyqaralyq Olımpıada komıteti (HOK) 2026 jyly Qysqy Olımpıadany ótkizýge úmitti 7 eldiń tizimin jarııalady.
Olar: Aýstrııa (Gras), Kanada (Kalgarı), Japonııa (Sapporo), Shvesııa (Stokgolm), Shveısarııa (Son), Túrkııa (Erzýrým) jáne Italııa (Kortına-d’Ampesso, Mılan/ Týrın) elderi óz jerinde ótkizýge úmitti. Olımpıadany ótkizý týraly ótinishter 2017 jyldyń 16 naýryzy men 16 qyrkúıegi aralyǵynda qabyldanǵan. 2026 jylǵy qysqy Olımpııa oıyndaryn ótkizetin qala 2019 Mılanda ótetin HOK-tyń 132-shi sessııasynda anyqtalady.
Daıyndaǵan Álı BITО́RE, «Egemen Qazaqstan»