Astanada sáýletshiler men dızaınerler saıysyna arnalǵan baspasóz konferensııasy ótti

«Búginde biz tek úı ǵana salyp qoımaı, sondaı-aq qolaıly ómir úshin qazirgi zamanǵa saı jaıly ortany quramyz. Biz tur­ǵyn úı keshenderimizge sulý­lyq pen estetıkany jet­kiz­gimiz keledi. Eń aldymen, oı­lap tabylatyn nyshan tur­ǵyn úı kesheniniń jalpy tujy­rymdamasyna sáıkes kelýi kerek, sonymen qatar onyń tartym­dylyǵyn arttyrý, pozısııalaý tujyrymdamasyna laıyq bolyp, kúndiz de, túnde de kózge tartymdy bolýy kerek. Syrtqy faktorlarǵa tózimdi, órt qaýipsizdiginiń talaptaryna saı bolýy tıis», dep atap ótti «BI Development» kompanııasynyń damý jónindegi basqarýshy dırektory Rasýl Mustafın. 

Qoǵamdyq moıyndaý men avtorlyq jumystardy júzege asyrý múmkindigimen qatar, árbir jobasynyń jeńimpazdary 150 000 teńge alady. Júldeniń jal­py qory 1 350 000 teńgeni qu­raıdy. Saıysqa qatysýǵa óti­nim­der 22 sáýirge deıin kom­pan­ııa­nyń saıtynda qabyl­dana­dy. Konkýrstyq jobalardy Astana qalasynyń Sáýlet, qala qurylysy jáne jer qaty­nas­tary basqarmasynyń ókil­deri, sondaı-aq Astana qalasy­nyń Ýrbanıstıkalyq ortalyǵy baǵalaıdy. 

Brıfıngke qatysýshylar atap ótkendeı, 30 sáýir kúni baıqaýdyń qorytyndysy bo­ıynsha qazylar alqasy jeńim­paz­dardy jarııalaıdy, sóıtip, jurt­shylyq Astana men Almaty qalalarynyń zamanaýı ar­hı­tektýralyq jáne kórkem kóri­nis­terine óz úlesterin qosatyn jańa esimderdi tanıtyn bolady. 

BI ART Debut saıysy BI Group kompanııasynyń bir jyl boıy júzege asyryp kele jatqan jáne Astana qalasynyń 20 jyldyǵyna oraılastyryl­ǵan «20 ıgi is» baǵdarlamasy aıasynda uıymdastyrylýda. Aıta ketetin bolsaq, buryn kompanııanyń ókilderi Happy StartUp turǵyn úı keshenderin jetildirý ıdeıasyn usynǵan bolatyn.

Raýan QAIDAR, «Egemen Qazaqstan»