«Astana EKSPO-2017» kompanııasyna respýblıkalyq bıýdjetten 13 mlrd teńge bólinedi. Bul týraly Májiliste «2018-2020 jyldarǵa arnalǵan respýblıkalyq bıýdjetti naqtylaý týraly» QR zańynyń jobasyn tanystyrǵan QR Ulttyq ekonomıka mınıstri Tımýr Súleımenov aıtty, dep habarlaıdy QazAqparat.
Zań jobasyn talqylaý barysynda depýtat Maıra Aısına 13 mlrd teńgeden astam bıýdjet qarajatynyń «Astana EKSPO-2017» UK» AQ-yna qandaı maqsatta bólingenin suraǵan edi. «Astana EKSPO-2017» kompanııasyna maqsatty aýdarymdar eń aldymen qazirgi ýaqytta bar ınfraqurylymnyń jumysyn qaıta pishimdeýmen baılanysty. Iаǵnı, kórme formaty ol jerge «Astana» halyqaralyq qarjy ortalyǵynyń kelýine baılanysty startap-hab formatyna kóshiriledi. Bul soma ulttyq kompanııaǵa bólinedi. О́ıtkeni, ol atalǵan oryn-jaılardyń ıesi sanalady. Ol tek AHQO-ǵa jalǵa beredi. Bul kórme formatyn bıznes ortalyq, startap-hab syndy formatqa aýystyrý úshin qajetti sharalar», - dep túsindirdi Tımýr Súleımenov.