Ázerbaıjanda prezıdenttik saılaý ótip jatyr. Daýys berý jergilikti ýaqyt boıynsha tańǵy 08:00-de bastaldy.
Qazirgi kezde Baký qalasyndaǵy saılaý ýchaskelerinde daýys berýge kelgen turǵyndardyń qarasy kóp.
El basshysyn anyqtaıtyn sharaǵa sheneýnikter de belsendi túrde qatysyp jatyr. Máselen, Ekologııa jáne tabıǵı resýrstar mınıstri Gýseın Bagırov №7 saılaý ýchaskesine kelip daýys bergen. Sondaı-aq, Memlekettik qaýipsizdik qyzmetiniń basshysy, general-leıtenant Madat Gýlıev te óz tańdaýyn jasady. Prezıdent kómekshisi Alı Gasanov ta daýys berý rásimine keldi.
El turǵyndary kúni boıy 5426 turaqty, 215 ýaqytsha saılaý ýchaskesi men 125 saılaý okrýgterinde ózi tańdaǵan kandıdatty qoldap daýys bere alady.
Ortalyq saılaý komıssııasy resmı saıtynda saılaý barysyn tikeleı efır arqyly taratyp jatyr. Eldegi 119 saılaý ýchaskesinde veb-kamera ornatylǵan, sonymen birge bes mıllıonnan astam elektorattar bar.
Aıta keterligi, prezıdent saılaýyn 894 halyqaralyq jáne 58 175 jergilikti baqylaýshy qadaǵalap otyr.Ortalyq saılaý komıssıasy bes ret, 10:00, 12:00, 15:00, 17:00 jáne 19:00-de sharanyń qalaı ótip jatqany týraly málimet taratady. Saılaý keshki saǵat 19:00-de aıaqtalady.
Abaı Otar,
«Egemen Qazaqstan»
Baký