Qandastar da qamdanyp jatyr eken

Qazaq eliniń uly merekesi, Táýelsizdigimizdiń 20 jyldy­ǵyna óz Otanymyzdyń halqy ǵana emes, ózge jurttardaǵy aǵa­ıyn­dar da «biz de óz úle­simizdi qosaıyq» dep ázirlenip jatyr eken. Buǵan jaqynda Qytaı Halyq Respýblıka­sy­nyń ShUAR óńirine issaparmen barǵanda kóz jetkizdik. Ási­rese, irgeli memlekettiń Qazaq avtonomııaly oblysyn meken etip jatqan bir tilek, bir nıettegi azamattar Astana men Almatyda úlken mádenı sharalar ótkizýge daıyndalyp jat­qanyna kýá boldyq. «Bul bizdiń Qazaq eliniń 20 jyldyǵyna tartar tartýymyz», dedi olar. Ile qazaq avtonomııaly ob­ly­synyń án-bı úıirmesi bar­lyq aýdandardan júzden júı­rikterdi jınap, ult rýhanııa­ty­nyń ozyq dúnıelerin táýelsiz eldiń merekesine syı etýdi maqsat etipti. Úıirme basshysy Nurlan Kenjeǵalıuly uzyn sany 30-dan asa adam egemen eldiń el-jurtyn án men kúıge, myń buralǵan bıge keneltsek dep jatqanyn aıtyp, bir kezderi ushqan qustan basqa aıaq baspaǵan Qazaq elimen qazir qarym-qatynastyń jaqsarǵa­nyn, baýyrlastyqtyń bıik deń­geıge kóterilgenin, bul tur­ǵydan kelgende Qazaqstan Prezıdenti Nursultan Nazarbaev pen Qytaı memleketiniń bas­shy­sy Hý Szıntao arasyndaǵy myzǵymas dostyqtyń arqa­synda barys-kelis pen alys-beristiń shynaıy úlgisi qalyp­tasqanyn tilge tıek etip, hal­qymyzdyń kórshimen tatýlyǵy týraly uly qaǵıdasyn alǵa tartty. Al úıirmeniń bas rejısseri Tolqyn Sultanbekuly men bı jetekshisi Gúláıda Qadyrqyzy Qazaqstannyń tá­ýel­sizdigin alǵan 20 jyl ishinde qasıetti topyraǵyna jeti ret tabandary tıgenin, bul ózde­rine úlken shabyt syılaǵanyn jetkizip, osy jolǵy saparla­rynda Nursultan Nazarbaev­tyń sózine jazylǵan Altynbek Qorazbaevtyń «Úsh qońyr» ánin bımen órnektep, hormen kórkemdep, jeke daýysta asqaq­tatyp, úlken kóriniste aıta­tyn­daryn alǵa tartty. Sol sekildi elýden asa ult mekendeıtin óńirdiń azamattary bar óz ónerlerimen kórermenniń kóz­aıymyna aınalsaq degen nıetterin bildirip jatty. Keıbir toıǵa daıyndaǵan óner týyn­dylarymen tanystyrdy. Sóı­tip, E.Nurzadauly óziniń «Áke», S.Qudaıbergenqyzy halyq áni «Ýgaı», Ý Haıshııa álemge ta­nymal qytaıdyń halyq áni «Jasmın gúli» ánderin tamyl­jyta oryndady. Sondaı-aq bú­ginde jurttyń erekshe iltıpa­tyna ıe bolyp otyrǵan «Qara jorǵa» bıin myń qubyltty. Mundaı órisi keń, óreli dúnıe­ler táýelsizdigimizge tartar tartý ekeni anyq. Súleımen MÁMET.