Halyq baǵasy

Tarıhı ádilettilik. Parlament Senaty keshe qabyldaǵan sheshimniń habary jetkende oıǵa aldymen osy sóz oraldy. Iá, Qazaqstan Respýblıkasynyń Tuńǵysh Prezıdenti, Elbasymyz Nursultan Ábishuly Nazarbaevqa «Halyq Qaharmany» ataǵyn berý múmkindigin qarastyratyn zańdardyń qabyldanýyn  eń aldymen tarıhı ádilettilik aktisi dep qaraý oryndy. Zań jobalaryn qabyldaý arqyly Senat halyq­tyń talaıdan beri aıtylyp kele jatqan tilegin júzege asyr­dy. Senat Tóraǵasy Qaırat Mámı bul jóninde: «Usy­ny­lyp otyrǵan tolyqtyrýlar Prezıdent Nursultan Nazar­baev­tyń táýelsiz memleketti qurý men damytýdaǵy, Qa­zaqstannyń álemdik qoǵamdastyqtaǵy bedelin nyǵaıtýdaǵy tarıhı rólin tııanaqtaıdy» dep óte oryndy aıtypty.    Elbasymyz el sózin eskeredi dep senemiz. Ashyǵyn aıtsaq, eskerýge tıisti de tipti. «Egemen Qazaqstannyń» oqyrmandaryn Elbasymyzdyń eren eńbeginiń tuńǵysh Prezıdent saılaýy ótken tarıhı kúnniń dál jıyrma jyldyǵynda laıyqty baǵalanýymen quttyqtaı otyryp, biz redaksııa tilshilerine osy sheshimniń qabyldanýyna tikeleı qatysqan Senat depýtattarymen shuǵyl habarlasyp, olardyń oılaryn jurtshylyqqa jedel jetkizýdi tapsyrdyq. Osy usynysty alǵash jarııa etken belgili tulǵa V.I.Dvýrechenskıımen de telefon arqyly bolsa da sóılesip qaldyq. Endi sol pikirlerge kezek bereıik. Elbasymyz Nursul­tan Ábish­uly Nazarbaevtyń mem­leket aldyndaǵy eńbegi ushan-teńiz. Prezıdent Qazaq­stan Res­pýb­lıkasy atty osy memleketti óz qolymen qurdy, ony Táýel­siz­diktiń táýekelge toly taıǵaq keshýlerinen aman-esen alyp ótti, eldiń oıyn bıiktetti, boı­yn tiktetti, ha­lyq­tyń ál-aýqa­tyn arttyrýǵa qol jetkizdi, eldi álemdik yqpal­das­tyqqa kiriktirdi, turaqty saıasaty­men, qýatty ekono­mı­ka­symen dúnıe dıdarynda syı­ly etti, kóp dindi, kóp tildi elden ortaq otan­das­ty­ǵyn maqtan ete­tin bir­tutas memleket, Qa­zaq­stan hal­qyn qalyptas­tyr­dy, ultymyz­dyń jaq­sy atyn jahanǵa jaıyp, abyroıymyz­dy asyrdy, rýhymyzdy asqaq­tatty. Bizdiń elimizdegi osy jı­yr­ma jylda júzege asqan jaqsy­lyq­tyń báriniń de bastaýynda bir adam – Elbasymyz tur. Pre­zıdent qabyldaǵan she­shim­der­diń, sonyń ishinde kezinde biraz adam tosyrqaı qaraǵan sheshim­derdiń de, báriniń  du­rys­tyǵy ýaqyt óte kele kemeldikpen kó­rin­di. Táýelsizdik ta­rıhynyń qı­yn belesterinde Pre­zıdent ko­mandasynda ob­lys ákimi bo­lyp jumys istegen adam retinde men muny óte jaqsy bilemin. «Jaqsynyń jaqsylyǵyn aıt, nury tasysyn» deıtin ha­lyq­pyz. Qazaqta «Han – sha­ńy­raq, halyq – ýyq» degen de ma­qal bar. Biz búkil halyq bolyp eldiń ýyǵyndaı qadalsaq, as­panǵa kóteretin shańyraǵymyz – Prezıdentimiz, dúıim el ardaq tutatyn, álem jurty qurmet­teıtin Elbasymyz. Asyl­dy ba­ǵalaı biletin halyq ekenimizdi mine, jıyrma jyldan beri dú­nıege tanytyp kelemiz. Saılaý ótse de, referendým ótse de halyq kóńili baıaǵydaı. Nur­sul­tan Ábishulyna degen senimine selkeý túsip kórgen joq. El senimin aqtaýdy eń qasıetti paryzy sanaıtyn Elbasy­myzǵa laıyqty qurmetimizdi kezdeskendegi izetimizben, sóı­le­gen­degi sózimizben ǵana bildirip qoıý azdyq etedi endigi jerde. Osylaı bolýǵa tıisti edi. Solaı bolǵanyna qýanyshty­myz. Osyndaı sheshimniń qa­byl­danýyna qatysqanymyzdy maqtanysh etemiz. Bolat JYLQYShIEV,  Parlament Senatynyń Agrarlyq máseleler jáne qorshaǵan ortany qorǵaý komıtetiniń tóraǵasy.