Qazaqstan Respýblıkasy Úkimetiniń qaýlysy № 1215

2011 jylǵy 28 qazan,  Astana, Úkimet Úıi Ortaq sý paıdalanýdyń úlgilik qaǵıdalaryn bekitý týraly Qazaqstan Respýblıkasynyń 2003 jylǵy 9 shildedegi Sý kodeksi 36-babynyń 18) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Ortaq sý paıdalanýdyń úlgilik qaǵıdalary bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.

Qazaqstan Respýblıkasy Úkimetiniń 2011jylǵy 28 qazandaǵy №1215 qaýlysymen bekitilgen Ortaq sý paıdalanýdyń úlgilik qaǵıdalary 1. Osy Ortaq sý paıdalanýdyń úlgilik qaǵı­da­lary (budan ári – Qaǵıdalar) Qazaqstan Res­pýb­lıkasynyń 2003 jylǵy 9 shildedegi Sý ko­dek­siniń 36-babynyń 18) tarmaqshasyna sáıkes ázirlendi. 2. Mynadaı: 1) tehnıkalyq quraldardy qoldanbaı jer ústi kózderinen sý alý kezinde; 2) yqtımal sel qaýpi bar sý obektilerin qospaǵanda, rekreasııalyq maqsattarda, jappaı demalý, týrızm jáne sport maqsattarynda; 3) keme qatynasy jáne shaǵyn kemelerdi paıdalaný úshin; 4) mal sýarý úshin sý obektilerin paıdalaný ortaq sý paıdalanýǵa jatady. Ortaq sý paıdalaný ortaq sý paıdala­ny­latyn sý obektilerinde de, ortaq paıdala­nýǵa jatpaıtyn sý obektilerinde de júzege asy­ry­lady jáne arnaıy ruqsat bolýyn talap etpeıdi. 3. Osy Qaǵıdalar oblystardyń (res­pýb­lı­ka­lyq mańyzy bar qalanyń, astananyń) jergilikti ókildi organdarynyń óńirlik jaǵdaılardyń erek­shelikterin eskere otyryp ortaq sý paıdalaný qaǵıdalaryn belgileý tártibin anyqtaıdy ári menshik nysanyna qaramastan, barlyq zańdy jáne jeke tulǵalardyń oryndaýy úshin mindetti. 4. Oblystardyń (respýblıkalyq mańyzy bar qalanyń, astananyń) jergilikti ókildi organdary ekologııalyq, tehnıkalyq jáne halyqtyń sa­nıtarııalyq-epıdemıologııalyq qaýipsizdigi maq­sa­tynda óńirlik jaǵdaılardyń erekshe­lik­te­rin eskere otyryp, ortaq sý paıdalaný qaǵı­dalarynda tıisti óńirdiń aýmaǵynda ornalasqan sý obektilerinde shomylý, aýyz sý jáne tur­mystyq qajettilikterge sý alý, mal sýarý, shaǵyn kemelerdi paıdalaný jáne olarmen júzý jáne basqa da júzetin quraldarmen júzý tyıym salynǵan jerlerdi aıqyndaıdy. 5. Oblystardyń (respýblıkalyq mańyzy bar qalanyń, astananyń) jergilikti ókildi organdary sýda júzetin jabaıy qustar men júni baǵaly ańdardyń, balyq resýrstary men basqa da sý janýar­larynyń mekendeıtin jeri bolyp tanyl­ǵan sý obektilerinde úıa salý jáne ýyldyryq shashatyn kezeńde ortaq sý paıdalaný quqyǵyna shekteý qoıady. 6. Eldiń qorǵanysyn jáne memlekettiń qaýip­sizdigin qamtamasyz etý, turǵyndardyń densaý­lyǵyn, qorshaǵan tabıǵı ortany jáne tarıhı-mádenı murany, Qazaqstan Respýblı­kasynyń zańnamasyna sáıkes basqa tulǵalardyń quqyǵy men zańdy múddelerin qorǵaý maqsatynda jeke sý nysandaryn nemese olardyń bólikterin paıdalaný shektelýi, toqtatylýy nemese tyıym salynýy múmkin. 7. Ortaq sý paıdalanýdyń sharttaryn nemese oǵan tyıym salynatynyn belgileý úshin oqshaý nemese birlesip sý paıdalanýdy júzege asyra­tyn sý paıdalanýshy oblystardyń (respýblı­kalyq mańyzy bar qalanyń, astananyń) jergilikti ókildi organdaryna ortaq sý paıdalanýdyń sharttaryn nemese oǵan tyıym salynatynyn bel­gileýdiń qajettigi negizdelgen usynys engizedi. 8. Ortaq sý paıdalanýdyń sharttaryn nemese oǵan tyıym salynatynyn belgileý negizsiz bolǵan jaǵdaıda jergilikti ókildi organdar usynylǵan ortaq sý paıdalaný sharttarynan nemese tyıym salýdan bas tartý sebepterin negizdeı otyryp sý paıdalanýshyny jazbasha habardar etedi. 9. Shomylýǵa tyıym salý jáne ortaq sý paıdalanýdy júzege asyrýdyń basqa sharttary týraly halyqty oblystardyń (respýblıkalyq mańyzy bar qalanyń, astananyń) jergilikti ókildi organdary buqaralyq aqparat quraldary arqyly, arnaıy aqparattyq belgilermen habardar etedi. 10. Bekitilmegen sý obektilerinde osy Qaǵıdalardy buzǵany úshin aıyppul mólsheri týraly eskertýler bar tyıym salatyn belgiler men plakattar ornatýdy jergilikti atqarýshy organdar (respýblıkalyq mańyzy bar qalanyń, astananyń) qamtamasyz etedi. 11. Sý obektilerin mal sýarý úshin ortaq sý paıdalaný tártibimen qoldaný aýyz sýmen jab­dyqtaý kózderin sanıtarııalyq qorǵaý aımaq­tarynan tys jerde jáne sý obektileriniń lastanýyn jáne qoqystanýyn bolǵyzbaıtyn qurylǵylar bolǵan jaǵdaıda jol beriledi. Basqa jaǵdaılarda jergilikti atqarýshy organdar (res­pýblıkalyq mańyzy bar qalanyń, astananyń) sýat alańdaryn jaılastyrý jóninde is-sharalar júrgizedi. 12. Keme qatynasy qaýipsizdigi, adamdardyń ómiri men densaýlyǵyn saqtaý, júkterdiń saqtalýy maqsatynda júzege asyrylatyn kemeler qozǵalysyn shekteý nemese olarǵa tyıym salý Qazaqstan Respýblıkasynyń «Ishki sý kóligi týraly» 2004 jylǵy 6 shildedegi jáne «Saýda maqsatynda teńizde júzý týraly» 2002 jylǵy 17 qańtardaǵy zańdarymen reglamentteledi.